ქუთაისში, გაერთიანებული ოპოზიციის წევრებმა აგვისტოს ომში დაღუპული გმირების მემორიალი გვირგვინით შეამკეს

ქუთაისში, გაერთიანებული ოპოზიციის წევრებმა აგვისტოს ომში დაღუპული გმირების მემორიალი გვირგვინით შეამკეს და მათ ხსოვნას პატივი მიაგეს.

მათი თქმით, დაღუპული ადამიანების ღვაწლი ჯეროვნად არ არის შეფასებული.

„11 წელი გვაცილებს საქართველოსთვის ავბედით და ამავდროულად, სასახელო ფურცელს. ავბედითს, იმის გამო, რომ მას ჩვენი თანამემამულეები შეეწირენ. სასახელო იმის გამო, რომ ამ ადამიანების თავგანწირვამ განაპირობა ის, რომ ჩვენ ჯერ კიდევ თავისუფალ, სუვერენულ სახელმწიფოში ვცხოვრობთ. სწორედ 7 აგვისტოს დაიწყო რუსეთმა თავისი აგრესია და აქტიური საომარი მოქმედებები, რვა აგვისტოს საქართველო იძულებული იყო, შესაბამისი მოქმედებებით გაეცა პასუხი. სამწუხაროა, რომ 11 წელი გვაცილებს იმ პერიოდს და დღესაც, ფართო საზოგადოებას არ აქვს საერთო, ჩამოყალიბებული კონსენსუსი, თუ ვინ არის რუსეთი. ჯანსაღი ნაწილი, რა თქმა უნდა, არქმევს შესაბამის სახელს, მაგრამ არსებობს ნაწილი, რომელიც არ იზიარებს ამ მოსაზრებას. არ აქვთ ჩამოყალიბებული მოსაზრება, ვინ დაწყო ომი საქართველოს ტერიტორიაზე. ჩვენ ვამბობთ, რომ ომი რუსეთმა დაიწყო ჯერ კიდევ მაშინ, როდესაც აფხაზეთის ოკუპაცია დაიწყო. რაც ყველაზე საწყენია, ამ ადამიანების მსხვერპლად გაღებული სიცოცხლე არ არის ჯეროვნად შეფასებული და საზოგადოების გარკვეულ ნაწილს ფუჭი გონია. ამ ყველაფერზე პასუხი არის ერთი, რუსეთი ოკუპანტია", - გაერთიანებული ოპოზიციის ერთ-ერთმა ლიდერმა განაცხადა გია თევდორაძემ.

მიხეილ კალანდია - თამამად შემიძლია ვთქვა, რომ 19 წლის ასაკში პოლიტიკური პატიმარი ვარ
ქართული პრესის მიმოხილვა 20.11.2019
დავით უსუფაშვილი - „გერმანული მოდელი“ სწორედ იმიტომ იქნა შერჩეული, რომ იგი ყველაზე ადეკვატური კონტრნაბიჯია, რათა პროცესები კონტროლიდან არ გამოვიდეს
სოფლის მეურნეობის განვითარების გეგმები და შესაძლებლობები - კონფერენცია "ექსპოჯორჯიაში" გაიმართება
დიდი ხანია ემზადები შავი პარასკევისთვის?! (R)
BCard - "ემბისის" ბიზნეს ბარათი მცირე ფერმერებისა და მიკრო მეწარმეებისთვის
უნიმანია "უნიქარდისგან" - ექსკლუზიური შეთავაზება მინიმალური ქულებით (R)