სოფელ თელიანში სასმელი წყლის სათავე ნაგებობისა და სისტემის მოწყობის სამუშაოები მიმდინარეობს. პროექტი სასმელი წყლის სათავე ნაგებობაზე წყალშემკრები დრენაჟის, საქლორატოროს, სადარაჯო ჯიხურის, მაგისტრალური მილსადენისა და გამანაწილებელი ქსელის მოწყობას, ასევე 800 მ3 ტევადობის რეზერვუარის მშენებლობას ითვალისწინებს. ამის შესახებ „ინტერპრესნიუსს“ კასპის მუნიციპალიტეტიდან აცნობეს.

მათივე ინფორმაციით, სამუშაოებს ელექტრონულ ტენდერში გამარჯვებული სს „სპეცჰიდრომშენი“ აწარმოებს, რომელიც მიმდინარე წლის ოქტომბერში დასრულდება. პროექტი რეგიონში განსახორციელებელი პროექტების ფონდისა და ადგილობრივი ბიუჯეტის თანადაფინანსებით ხორციელდება, რომლის ღირებულება 1 289 000 ლარია. შესრულებული სამუშაოების შედეგად სოფლის მოსახლეობას სასმელი წყლის მიწოდება გაუუმჯობესდება.