სოფო ვერძეული - "თიბისი ბანკის" საქმესთან დაკავშირებით ძალიან ბევრი კითხვაა

ყველაზე მნიშვნელოვანი ჩვენთვის არის "ტვ პირველის" საკითხი, მედიის და ჟურნალისტების პროფესიული დამოუკიდებლობის საკითხი, - ამის შესახებ ჟურნალისტებს "ადამიანის უფლებათა სწავლებისა და მონიტორინგის ცენტრის" (EMC) წარმომადგენელმა სოფო ვერძეულმა განუცხადა, რითაც გამოეხმაურა "ტვ პირველის" დამფუძნებლის, ვახტანგ წერეთლის გამოკითხვაზე დაბარებას.

ის ასევე გამოეხმაურა მამუკა ხაზარაძისთვის ბრალის წარდგენას და აღნიშნა, რომ პროკურატურის ეს გადაწყვეტილება საეჭვოდ ემთხვევა ხაზარაძის განცხადებებს პოლიტიკური აქტივობების შესახებ.

"ეს გამოკითხვა, რომელიც არსებითად უკავშირდება მამუკა ხაზარაძის და "თიბისი ბანკის" თემას, გაცილებით კომპლექსურია, მაგრამ ამ საქმეში ყველაზე მნიშვნელოვანი ჩვენთვის არის "ტვ პირველის" საკითხი, მედიის და ჟურნალისტების პროფესიული დამოუკიდებლობის საკითხი. ამიტომ ეს საქმე ამ კუთხით უნდა იყოს განსაკუთრებული ყურადღების საგანი. ზოგადად "თიბისი ბანკის" საქმესთან დაკავშირებით ძალიან ბევრი კითხვაა და არ იქნება უცნაური, თუ ვიტყვით, რომ ის განცხადებები, რომელიც მამუკა ხაზარაძის მხრიდან წინ უძღოდა პროკურატურის გადაწყვეტილებას, ეჭვებს კიდევ უფრო აძლიერებს. ჩვენთვის განსაკუთრებით მნიშვნელოვანია, როდის იყო პროკურატურისთვის საკმარისი საფუძველი შექმნილი იმისთვის, რომ კონკრეტული გადაწყვეტილებები მიეღო და რატომ მოხდა ასეთი დამთხვევა ხაზარაძის განცხადებების შემდეგ. ამ საქმეს სჭირდება დაკვირვება, მაგრამ ჩვენთვის ყველაზე მნიშვნელოვანია "ტვ პირველის" სარედაქციო დამოუკიდებლობის საკითხი, რომლის მიმართაც არანაირი კითხვა არ უნდა გაჩნდეს,"- განაცხადა სოფო ვერძეულმა.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 16.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს