პროკურორი - მოწმეებმა ცალსახად აღნიშნეს, რომ 2008 წელს ბადრი ჯაფარიძეს და მამუკა ხაზარაძეს არ ჰქონდათ ბანკიდან ამოღებული თანხის მიღების უფლება და ისინი დაეუფლნენ ავთანდილ წერეთლის ფაქტობრივ მფლობელობაში არსებული კომპანიების საშუალებით

მოწმეებმა ცალსახად აღნიშნეს, რომ 2008 წელს ბადრი ჯაფარიძეს და მამუკა ხაზარაძეს არ ჰქონდათ ბანკიდან ამოღებული თანხის მიღების უფლება და შესაბამისად, ისინი დაეუფლნენ ავთანდილ წერეთლის ფაქტობრივ მფლობელობაში არსებული კომპანიების საშუალებით, - ამის შესახებ „თიბისი ბანკის“ საქმის პროკურორმა გიორგი მიქავამ ჟურნალისტებს განუცხადა.

როგორც მიქავამ აღნიშნა, დღევანდელ სასამართლო სხდომაზე გამოკითხულმა მოწმეებმა დაადასტურეს ისიც, რომ მანამდე ინტერესთა კონფლიქტის ასეთი მსგავსი პროფილური შემოწმება ეროვნულ ბანკში არ განხორციელებულა.

„დღევანელ სხდომაზე მოწმეებმა გააკეთეს მნიშვნელოვანი განმარტებები ეროვნული ბანკის შემოწმების აქტთან დაკავშირებით. კერძოდ, მათ დაადასტურეს რამდენიმე მნიშვნელოვანი გარემოება. მათ ცალსახად აღნიშნეს, რომ 2008 წელს ბადრი ჯაფარიძეს და მამუკა ხაზარაძეს არ ჰქონდათ ბანკიდან ამოღებული თანხის მიღების უფლება და შესაბამისად, ისინი დაეუფლნენ ავთანდილ წერეთლის ფაქტობრივ მფლობელობაში არსებული კომპანიების საშუალებით. აღნიშნული პასუხს სცემს კითხვას იმაზე, თუ რატომ იქნა შერჩეული ავთანდილ წერეთლის მფლობელობაში არსებული კომპანიები და რატომ წარუდგინეს ბანკს არასწორი ინფორმაცია თითქოსდა აღნიშნული თანხა სჭირდებოდა კომპანიებს. მეორე ფაქტობრივი გარემოება იყო მიზნობრიობასთან დაკავშირებით, სადაც ამ მოწმეებმა ცალსახად განმარტეს, რომ ბანკისგან დაუფლებული თანხის იმავე დღეს გადასესხება სხვა პირზე არ შედიოდა საბრუნავი საშუალებების მიზნობრიობაში, როდესაც ერთ შემთხვევაში კომპანიის პროფილური ბიზნესი იყო სამშენებლო საქმიანობა, მეორე შემთხვევაში კი ხორცპროდუქტებით ვაჭრობა და სხვა კომერციული საქმიანობა.

ასევე მათ მნიშვნელოვანი განმარტება გააკეთეს იმაზე, რომ იმ მომენტში დარღვეულ იქნა „გაშლილი მკლავის“ პრინციპი უზრუნველყოფის საშუალებებთან დაკავშირებით, რამეთუ ნაცვლად იმისა, რომ ბანკს გაეტარებინა ქმედითი ნაბიჯები აღნიშნული თანხის დასაბრუნებლად, კერძოდ, უზრუნველყოფის საშუალებების აღსასრულებლად მისაქცევად, პირიქით მოხდა, ბანკს დაეკარგა ყველა რესურსი იმისთვის, რომ მოეხდინა ამ თანხის ამოღება. მათ დაადასტურეს, რომ კრებსითად ბანკმა განიცადა დაახლოებით, 28 მილიონი ლარის, 16, 5 მილიონი დოლარის ზიანი“, - განაცხადა გიორგი მიქავამ.

მისივე თქმით, ეროვნული ბანკის აღნიშნული დასკვნა და შემოწმება არის მნიშვნელოვანი იმდენად, რამდენადაც ის ინტერესთა კონფლიქტს ეხება.

„შესაბამისად, ინტერესთა კონფლიქტში პირდაპირ იკვეთება, რომ ეს ავთანდილ წერეთლის კომპანიები პირდაპირ იყო დაკავშირებული მამუკა ხაზარაძესთან და ბადრი ჯაფარიძესთან. ეს გახდა ერთ-ერთი საფუძველი შემდგომში მათთვის სანქციების დაწესების. გარდა ამისა, საქმეში არსებობს სხვა რამდენიმე გარემოება და მტკიცებულება, რომელიც ადასტურებს იმას, მოხდა თუ არა თაღლითობა და დანაშაულებრივად მითვისებული თანხის ფორმალური და ფიქტიური სესხის ხელშეკრულების საფუძველზე მისი „გათეთრება“. ფაქტებს სჭირდება შეფასება, რასაც აკეთებს ბრალდების მხარე და საბოლოო ჯამში უნდა გააკეთოს სასამართლომ. მაგრამ ჩვენ ვამბობთ იმას, რომ ამ შემოწმების აქტში არსებული გარემოებები იძლევა იმის საშუალებას, რომ ადგილი ჰქონდა ბანკისგან მოტყუებით თანხის თაღლითურად დაუფლებას, რომელიც შემდეგში ფიქტიური სესხის ხელშეკრულების და სხვა ტრანზაქციების განხორციელების საფუძველზე მოხდა მისი „გათეთრება“, - აღნიშნა პროკურორმა.

ზაზა ფირალიშვილი - კრემლს ჩვენში ისეთი ძალის გამარჯვება აწყობს, ვინც კონფრონტაციული რიტორიკის ერთგული იქნება, ვერ შეძლებს ქვეყანში დიალოგისა და თანამშრომლობის ატმოსფეროს შექმნას
ქართული პრესის მიმოხილვა 29.10.2020
ანა დოლიძე - მჯერა, რომ უკეთესი საქართველოსთვის ბრძოლას  აქვს აზრი
პარტია „რეფორმერის“ თავმჯდომარე თორნიკე ჯანაშვილი - შევქმენით პრეცენდენტი, თუ როგორ შეიძლება აწარმოო თანამედროვე პოლიტიკური საარჩევნო კამპანია
ჟურნალისტური ეთიკის ქარტიის გადაწყვეტილებით დადგინდა, რომ "მთავარი არხისა" და "TV 1"-ს ჟურნალისტებმა არქის შვილობილ კომპანიასთან მიმართებაში ცრუ ინფორმაცია გაავრცელეს
Colliers International Georgia-მ მტკვრის მარცხენა სანაპიროს უძრავი ქონების ფუნქციური ანალიზი განახორციელა
ნანა დევდარიანი - გაუპატიურების, ძალადობის, ცემის, წამების ამსახველი კადრები არავის დავიწყებია (R)
არჩილ ბენიძე - მწამებლებისა და მკვლელების დასჯა ერთადერთ პარტიას - "პატრიოტთა ალიანსს" შეუძლია (R)
„სილქფესტი“ მომხმარებლებს სასაუბრო და ინტერნეტ პაკეტებზე ულიმიტო პირობებს შესთავაზებს
ექსპოჯორჯია აგრო ექსპორტის ფორუმს, ონლაინ - B2B ფორმატში გამართავს
ირმა ინაშვილი - "ქართული ოცნება" დამნაშავეა იმაში, რომ წლების მანძილზე ხელს აფარებდა დამნაშავეებს (R)
გიორგი ლომია - ციხის კადრებში ნათლად ჩანს, რომ პატიმრების წამებაში მთელი სისტემა იყო ჩართული (R)
ირმა ინაშვილი - "ნაციონალური მოძრაობა" ისტორიას და ფაქტებს ვერ წაშლის, რადგან ხალხს ყველაფერი ახსოვს (R)