ზესტაფონში აგვისტოს ომის გმირებს პატივი მიაგეს

საქართველოს ტერიტორიული მთლიანობისთვის დაღუპულთა ხსოვნას ზესტაფონში პატივი მიაგეს. მუნიციპალიტეტის მერის მოადგილე დავით მაღრაძე, საკრებულოს წევრები და ადგილობრივი თვითმმართველობის წარმომადგენლები, აგვისტოს ომში გმირულად დაღუპული ზაზა ფერაძის სახელობის მემორიალთან შეიკრიბნენ, გვირგვინებით შეამკეს და პატივი მიაგეს მის ხსოვნას.

ამასთან, როგორც „ინტერპრესნიუსს“ ზესტაფონის მუნიციპალიტეტიდან აცნობეს, გაიმართა ზაზა ფერაძის სულის მოსახსენიებელი პანაშვიდი, რომელსაც ხელისუფლებასთან ერთად მისი ოჯახის წევრებიც ესწრებოდნენ.

„ჩვენ გვყავს უახლესი ისტორიის გმირი, რომელიც შორაპანში დაიბადა და გაიზარდა. მან თავი საქართველოს ტერიტორიულ მთლიანობას და მშვიდობას შესწირა. საკუთარი სიცოცხლე დაუფიქრებლად გაწირა, როცა მესამედ შებრუნდა ფრონტის ხაზზე, რათა დაჭრილი თანამებრძოლები გადაერჩინა. სწორედ ასეთი ადამიანებზე დგას ჩვენი ქვეყანა. დიდება მათ სახელს“, - განაცხადა დავით მაღრაძემ.

„ზაზა ფერაძე 2008 წლის 7 აგვისტოს დაიღუპა. ის მაშინ დაიჭრა, როდესაც მესამედ შებრუნდა ფრონტის ხაზზე დაჭრილი მებრძოლების გამოსაყვანად. ზაზა ფერაძის ქალიშვილი, ანასტასია მამის გარდაცვალებიდან ერთი თვის შემდეგ დაიბადა. დემეტრე კი წლის და 4 თვის იყო.

ზაზა ფერაძე გარდაცვალების შემდეგ ვახტანგ გორგასლის მესამე ხარისხის ორდენით დაჯილდოვდა“, - ნათქვამია ინფორმაციაში.

რამაზ საყვარელიძე - ჩვენი საზოგადოების პრობლემა ისაა, რომ მან ახალი ამბიციური და ბრძოლისუნარიანი პოლიტიკური ძალა, ჯერჯერობით, ვერ წარმოშვა
ქართული პრესის მიმოხილვა 18.01.2020
ასლან ბჟანია - სოხუმსა და თბილისს შორის დიალოგი უნდა იყოს, როგორ ფორმატში, რა ფორმით, მნიშვნელობა არ აქვს
რას უტოვებს ტექნიკური უნივერსიტეტის კანცლერი შემცვლელს - კარლო კოპალიანს?
თენგიზ ცერცვაძე - სიმართლე საქართველოს C ჰეპატიტის ელიმინაციის პროგრამის შესახებ
Livo.ge-ზე უძრავი ქონების სერტიფიცირებული შეფასება 24 საათში 39 ლარად არის შესაძლებელი
სილქნეტის ოპტიკურ ქსელში დღეიდან სატელევიზიო პაკეტები იცვლება
კომპანია „თბილღვინომ“ 50 რჩეული მასპინძელი გამოავლინა