ჩვილის დედამ, რომელიც ძიძას ბავშვზე ძალადობაში ადანაშაულებს, ფოთის პოლიცია დატოვა. როგორც მან სატელეფონო საუბარში განაცხადა, გამოძიებასთან თანამშრომლობას აპირებს, დამატებით, დეტალებზე საუბარი კი არ ისურვა.
,,ვთანამშრომლობ გამოძიებასთან , სხვა დამატებით კომენტარს არ გავაკეთებ,”- განაცხადა ბავშვის დედამ.
შეგახსენებთ, რომ ბავშვზე ძალადობასთან დაკავშირებით დედას, ეჭვი გაუჩნდა, რის გამოც სახლში ვიდეოკამერა დაამონტაჟა. ამასთან, კადრები სოციალურ ქსელში გავრცელდა. როგორც ,,ინტერპრესნიუსს” შსს- ში განუცხადეს, მომხდარ ფაქტზე გამოძიება სსკ-ის 126 მუხლით დაიწყო, რაც ძალადობას გულისხმობს.