ბათუმში საპენსიო სააგენტოს საინფორმაციო შეხვედრა გაიმართა

საპენსიო სააგენტო გასვლით შეხვედრებს განაგრძობს. რეფორმის შესახებ საინფორმაციო სახის პრეზენტაცია ბათუმის შოთა რუსთაველის სახელობის უნივერსიტეტში გაიმართა.

როგორც „ინტერპრესნიუსს“ საპენსიო სააგენტოდან აცნობეს, სტუდენტებმა რეფორმის მიმდინარეობის შესახებ სრული ინფორმაცია მიიღეს, გაეცნენ საპენსიო სააგენტოში მიმდინარე სიახლეებს, დაინტერესდნენ საინვესტიციო პროცესის დაწყებითა და რისკის სტრუქტურის სამოქმედო გეგმით.

შეხვედრა კითხვა-პასუხის რეჟიმში წარიმართა. სტუდენტებმა საპენსიო სააგენტოს ვებ-გვერდზე გამოქვეყნებული კალკულატორის მეშვეობით, საპროგნოზო პენსიაც გამოითვალეს. ასევე მიიღეს ინფორმაცია, რომ დაგროვებით საპენსიო სქემაში ამ დროისათვის 860 ათასზე მეტი ადამიანია ჩართული, აკუმულირებული თანხა კი 320 მილიონ ლარს შეადგენს.

ვიქტორ ყიფიანი - გარე პროცესების გავლენათა მართვა ყველა ჩვენგანის თანამონაწილეობას და საზიარო პასუხისმგებლობას მოითხოვს
ქართული პრესის მიმოხილვა 28.09.2020
კახა კუკავა - 7 პრიორიტეტი გვაქვს, რაც ჩვენ საარჩევნო პროგრამაშია