მარტვილისა და აბაშის მაჟორიტარი დეპუტატი ოთარ დანელია და აბაშის მუნიციპალიტეტის მერი ლევან მაკალათია მუნიციპალიტეტში ფერმერებს ესტუმრნენ. ამის შესახებ ინფორმაციას პარლამენტი ავრცელებს.

მათივე ინფორმაციით, ხელისუფლების წარმომადგენლები სოფელ მარანში, კოოპერატივ „სოკოს სახლში“ იმყოფებოდნენ, რომელიც რამდენიმე წელია ზაალ ჩიმაკაძემ და მარინე კანიაშვილმა ჩამოაყალიბეს და სოკო მოჰყავთ. მათ ასევე, 2,5 ჰა-ზე გაშენებული თხილის ბაღი დაათვალიერეს.

მაჟორიტარი დეპუტატი მრავალწლიანი ქლიავის და თხილის ბაღებში იმყოფებოდა, სადაც აზიური ფაროსანას წინააღმდეგ მიმდინარე სამუშაოების შესახებ ინფორმაცია ფერმერებისგან მოისმინა.

„ოთარ დანელია ასევე, ადგილობრივ მოსახლეობას შეხვდა, სადაც მიმდინარე და დაგეგმილი პროექტების შესახებ ისაუბრა. მაჟორიტარ დეპუტატსა და მერთან შეხვედრაზე მოსახლეობამ პრიორიტეტად სხვადასხვა პრობლემებთან ერთად, ინფრასტრუქტურული სამუშაოების განხორციელება დაასახელეს.“ - ნათქვამია ინფორმაციაში.