ბორჯომში დღესასწაული „ბორჯომობა 2019“ გაიმართება

17 აგვისტოს, ბორჯომში, სახალხო ტრადიციული დღესასწაული „ბორჯომობა 2019“ აღინიშნება, - ამის შესახებ ,,ინტერპრესნიუსს’’ ბორჯომის მუნიციპალიტეტის მერიიდან აცნობეს.

მათივე ცნობით, საზეიმო ღონისძიებები 11:00 საათიდან დაიწყება და საღამოს 22:00 საათამდე გაგრძელდება.

„დღესასწაული მრავალფეროვანი კულტურული, გასართობი და სპორტული აქტივობებით იქნება დატვირთული.

11:00-16:00 საათამდე მერაბ კოსტავას სახელობის ბაღში მოეწყობა შეჯიბრებები ქართულ ჭიდაობაში, მკლავჭიდში, გეზრბენში, ჭადრაკში, ნარდში, აქვე განთავსდება ეთნოგრაფიული კუთხეები და მოეწყობა კულინარიული კერძების მასტერკლასი.

13:00 საათიდან კი, ცენტრალურ პარკში გაიმართება კონცერტი ცეკვისა და სიმღერის ანსამბლების მონაწილეობით. სამეწარმეო მარკეტი, წამყვანი წიგნის გამომცემლობების გამოფენები, საბავშვო კუთხეები, ფოტო გადაღებები, „პოეზიის საათი“, ინსტრუმენტული ტრიო - სადღესასწაულო პროგრამის შემადგენელი ნაწილი იქნება.

აღსანიშნავია, რომ ზეიმს, საპატიო მოქალაქეების დაჯილდოების ცერემონია და გრანდიოზული გალა კონცერტი ცნობილი შემსრულებლების მონაწილეობით დაასრულებს.

ღონისძიების ორგანიზატორია ბორჯომის მუნიციპალიტეტი და ტურიზმის ეროვნული ადმინისტრაცია, რომელიც დღესასწაულის თანადამფინანსებელია.

დღესასწაულს საქართველოს სხვადასხვა კუთხიდან მოწვეული სტუმრები და უცხოელი ვიზიტორები დაესწრებიან“, - ნათქვამია ინფორმაციაში.

ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო
ქართული პრესის მიმოხილვა 14.11.2019
მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
Konica Minolta-ს პირველი ოფისი 12 ნოემბერს თბილისში ოფიციალურად გაიხსნა
ტოიოტა ფორტუნერი - თავდაჯერებულობა ნებისმიერ გზაზე, ახლა უკვე დიზელის ძრავით
აგრესიული რეგულაციების გვერდითი მოვლენები სამშენებლო ბაზარზე – ფასების ზრდა
Volvo Art Night - ვოლვო საქართველო გლობალური მიზნების კვალდაკვალ (R)
Trade In! გადაცვალე ძველი ტექნიკა ახალში  - „ელიტ ელექტრონიქსის ახალი წამოწყება“
აღმოსავლეთ ევროპის უნივერსიტეტში საერთაშორისო სამეცნიერო ვორკშოპი - "საშიში ტრანსნაციონალური დანაშაულები და მასთან ბრძოლის ნაციონალური და ინტერნაციონალური სამართლებრივი გზები და საშუალებები” ჩატარდა