რუსთავში, მდინარე მტკვარში გაუჩინარებული მამაკაცის სამძებრო ღონისძიებები დროებით შეწყდა. როგორც ,,ინტერპრესნიუსს" საგანგებო სიტუაციების მართვის სამსახურში განუცხადეს, ღამის განმავლობაში მაშველები გააგრძელებენ მტკვრის ხეობის მონიტორინგს, დილიდან კი აქტიური სამძებრო ღონისძიებები მდინარეში კვლავ განახლდება.

რუსთავში, ძველი და ახალი რუსთავის დამაკავშირებელი ხიდის მიმდებარე ტერიტორიაზე, მტკვარში 35 წლამდე ასაკის მამაკაცი რამდენიმე საათის წინ გაუჩინარდა. მეთევზეებმა ნაპირზე მამაკაცის ტანსაცმელი ნახეს და 112-ში დარეკეს.

თვითმხილველები ვარაუდობენ, რომ მამაკაცი მდინარეში შევიდა და გამოსვლა ვეღარ შეძლო. ადგილზე მობილიზებული არიან მაშველები, პოლიცია და სასწრაფო სამედიცინო დახმარების ბრიგადა