სენაკთან მომხდარი ავტოსაგზაო შემთხვევის შედეგად დაშავებული სამი პირიდან ერთმა კლინიკა დატოვა, ორი კი მკურნალობას აგრძელებს, - ამის შესახებ სენაკის კლინიკის „არქიმედეს“ მენეჯერმა მარეხ ადანაიამ „ინტერპრესნიუსს“ განუცხადა.

როგორც კლინიკის მენეჯერი აცხადებს, დაშავებულებს მრავლობითი დაზიანებები აღენიშნებათ და მათი მდგომარეობა მძიმეა.

„სულ სამი პაციენტი იყო შემოყვანილი. ერთმა საკუთარი სურვილით დატოვა კლინიკა. მას შედარებით მსუბუქი დაზიანებები აღენიშნებოდა. ორი პაციენტი კლინიკაში რჩება. მათი მდგომარეობა მძიმეა, მრავლობითი დაზიანებები აქვთ და აგრძელებენ მკურნალობას. სავარაუდოდ მათ კლინიკაში დარჩენა კიდევ რამდენიმე დღე მოუწევთ“, - განაცხადა ადანაიამ.

შეგახსენებთ, რომ სენაკის მუნიციპალიტეტში, სოფელ ნოსირთან ავტოსაგზაო შემთხვევის შედეგად ორი ავტომანქანას ცეცხლი გაუჩნდა. არსებული ინფორმაციით, ავტოსაგზაო შემთხვევის შედეგად 2 ადამიანი დაიღუპა, 2 კი - დაშავდა.

შინაგან საქმეთა სამინისტროს ინფორმაციით, ფაქტზე გამოძიება 276-ე მუხლის, მე-8 ნაწილით მიმდინარეობს.