გლდანის მეოთხე მიკრორაიონში, N109 ა კორპუსის მიმდებარედ სკვერის რეაბილიტაცია მიმდინარეობს. როგორც „ინტერპრესნიუსს“ თბილისის მერიიდან აცნობეს, პროექტის ფარგლებში დაახლოებით 2 000 კვ. მ ფართობზე მოეწყობა ბავშვთა გასართობი სივრცე, განათება, მოსასვენებელი პავილიონი, სასმელი წყლის სოკო და სკვერისთვის საჭირო სხვა ინფრასტრუქტურა განთავსდება.
სამუშაოებს გლდანის რაიონის გამგეობის დაკვეთით ტენდერში გამარჯვებული კომპანია შპს ,,გია კონსტრაქშენ“ ახორციელებს. პროექტისთვის გლდანის რაიონის გამგეობის ბიუჯეტიდან 133 447 ლარია გათვალისწინებული.
მიმდინარე სამუშაოებს გლდანის რაიონის გამგებელი ბექა მიქაუტაძე გაეცნო.