რუსთავი-თბილისის მიმართულებით, რამდენიმე მარშრუტზე, მიკროავტობუსით მგზავრობის საფასური 1,80 ლარამდე გაიზარდა

რუსთავი - თბილისის მიმართულებით, მიკროავტობუსით მგზავრობის საფასური 11 მარშრუტიდან 6 მარშრუტზე, დღეიდან 30 თეთრით გაიზარდა და 1,80 ლარი გახდა.

გაზრდილი მგზავრობის საფასურის გადახდა მგზავრებს შემდეგ მარშრუტებზე მოუწევთ: რუსთავი-თოდრიას მოედანი-დიდუბე; რუსთავი-რკინიგზის სადგური-თბილისი-თორნიკე ერისთავის ქუჩა; რუსთავი-ძველი ბაზარი - „თბილისი ცენტრალი“; რუსთავი-12 მკ/რ-ი-სადგურის მოედანი; რუსთავი-ძველი ავტოსადგური-ვარკეთილი, რუსთავი-ფიროსმანის ქუჩა - სპორტის სასახლე.

ფასის გაზრდის შესახებ განცხადება კომპანია „ინტერტრანსმა“ მიკროავტობუსებში 17 აგვისტოს გამოაკრა, რასაც მგზავრთა უკმაყოფილება მოყვა.

კომპანია „ინტერტრანსი“ მგზავრობის საფასურის გაზრდას ადგილობრივი თვითმმართველობისგან ერთი წელია რაც ითხოვდა.

მგზავრობის ახალი ტარიფის დადგენის შესახებ გადაწყვეტილება კი რუსთავის საკრებულომ გასულ კვირას მიიღო. მანამდე, ,,ინტერტრანსის“ მიმართვის საფუძველზე, რუსთავი-თბილისის მიმართულებით, სამგზავრო ფასის შემსწავლელმა საბჭომ გამოიკვლია მგზავრობის ფასზე მოქმედი ფაქტორები, ასევე მგზავრთნაკადი, საწვავის ფასი, მძღოლის ყოველდღიური შემოსავალი და სხვა კრიტერიუმები.

როგორც საკრებულოში განმარტავდნენ, ჩატარებული სამუშაოს შედეგად, შესაბამისი ინფორმაცია მიეწოდა ლევან სამხარაულის სახელობის სასამართლო ექსპერტიზის ეროვნულ ბიუროს, რომლის დასკვნის საფუძველზეც, 6 მარშრუტზე მგზავრობის ღირებულება 1,80 ლარით განისაზღვრა.

მგზავრობის საფასური იგივე დარჩა და არ გაზრდილა: რუსთავი-ძველი ბაზარი-მოსკოვის გამზირი; რუსთავი-ძველი ბაზარი-„ისთ ფოინთი“; რუსთავი-შარტავას გამზირი-ლილო; რუსთავი-მეტალურგიული ქარხანა- გლდანი; რუსთავი-მე-19-ე მკ/რ-თბილისის სახელმწიფო უნივერსიტეტის მაღლივი კორპუსი.

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
დავით თარხან-მოურავი - ვინც კოდორი და ახალგორი ჩააბარა, ის გვაცხადებს რუსეთის აგენტად - ამაზე დაფიქრდით (R)
გოჩა თევდორაძე - სიღარიბის და უმუშევრობის დაძლევისთვის ჩვენს მოსახლეობას საოჯახო ბიზნესს შევუქმნით (R)
მერაბ ჭიქაშვილი - "პატრიოტთა ალიანსი" ერთადერთი პარტიაა, რომელსაც კანონის აღსრულება შეუძლია!" (R)
საქართველოში პირველად ჰიბრიდული B2B ფორუმი ჩატარდა
26 ოქტომბერს ავსტრია ეროვნულ დღესასწაულს განსაკუთრებული აქტივობებით აღნიშნავს
დავით თარხან-მოურავი - მოსახლეობის უმეტესობა ირჩევს "საქართველოს პატრიოტთა ალიანსს (R)
„ბადაგონმა“ თანამშრომლების უსაფრთხოებისთვის PCR ტესტირება დაიწყო
გიორგი ლომია - "ოცნება" და "ნაცმოძრაობა" იმდენად შეერწყნენ ერთმანეთს, რომ დღეს უკვე ერთნი არიან" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)