გურჯაანის მუნიციპალიტეტში, სოფელ კაჭრეთში მთის ფერდობზე ხანძარია. მუნიციპალიტეტის მერის, არჩილ ხანდამაშვილის ინფორმაციით, ცეცხლი რთულად მისადგომ ადგილზეა, თუმცა, სახანძრო სამსახურები აქტიურად მუშაობენ და ლოკალიზებას ცდილობენ.

„სოფელ კაჭრეთის მთის ფერდობზეა ხანძარი. რთულად მისადგომი ადგილია, მაგრამ სამი რაიონის სახანძრო სამსახურია მობილიზებული და ცეცხლის ჩაქრობას ცდილობენ“, - განაცხადა არჩილ ხანდამაშვილმა.