სოფელ კაჭრეთში ხანძარი ლიკვიდირებულია. ამის შესახებ ინფორმაციას საგანგებო სიტუაციების მართვის სამსახური ავრცელებს.
მათი ინფორმაციით, მონიტორინგის მიზნით ადგილზე სახანძრო სამაშველო ჯგუფები 24 საათის განმავლობაში დარჩებიან.
ცნობისთვის, სოფელ ზემო კაჭრეთში ცეცხლი ტყის ქვედა საფარს და საძოვარს, ასევე, ეკალბარდს და ბალახს ეკიდა. ადგილზე მობილიზებული იყო კაჭრეთის, გურჯაანის, სიღნაღის, დედოფლისწყაროს და თბილისის სახანძრო-სამაშველო ჯგუფები. ასევე ცეცხლის ქრობის სამუშაოებში ჩართული იყო შინაგან საქმეთა სამინისტროს სასაზღვრო პოლიციის ვერტმფრენი.