სიღნაღის მუნიციპალიტეტის საჯარო სკოლების რეაბილიტაცია უწყვეტ რეჟიმში მიმდინარეობს. ამის შესახებ „ინტერპრესნიუსს“ სიღნაღის მუნიციპალიტეტიდან აცნობეს.
მათი ინფორმაციით, საჯარო სკოლებში სველი წერტილების, გათბობის სისტემის, წყალსარინი და სამარაგო რეზერვუარების რეაბილიტაცია სასწავლო წლის დაწყებამდე დასრულდება, ხოლო 5 საჯარო სკოლაში სპორტული დარბაზები მოეწყობა.
„2019 წელს სიღნაღის მუნიციპალიტეტის 14 საჯარო სკოლაში სხვადასხვა სახის სარეაბილიტაციო სამუშაოები მიმდინარეობს, რომლისთვისაც სახელმწიფოს ბიუჯეტიდან 480 000 ლარია გამოყოფილი.
საქართველოს მთავრობის გადაწყვეტილებით, განათლების სამინისტრომ სკოლებში ინფრასტრუქტურული პროექტების განხორციელების უფლებამოსილება დელეგირების წესით ადგილობრივ თვითმართველობას გადასცა.
2020 წელს სკოლების რეაბილიტაცია გაგრძელდება“, - ნათქვამია მუნიციპალიტეტის ინფორმაციაში.