იტალიის პრემიერი გადადგომას აპირებს

იტალიის პრემიერ-მინისტრი ჯუზეპე კონტე დღეს პრეზიდენტ სერჯო მატარელას თანამდებობიდან გადადგომის თხოვნით მიმართავს. „დოიჩე ველეს“ ინფორმაციით, ამის შესახებ იტალიის მთავრობის მეთაურმა სენატში გამოსვლისას განაცხადა.

მან თავის გამოსვლაში ქვეყანაში არსებულ კრიზისთან დაკავშირებით ისაუბრა.

ჯუზეპე კონტემ თავისი მოადგილე და შინაგან საქმეთა მინისტრი მატეო სალვინი უპასუხისმგებლო და ეგოისტურ ქმედებებში დაადანაშაულა.

პრემიერმა მატეო სალვინი, პირადი ინტერესების გატარებაში დაადანაშაულა და აღნიშნა, რომ შს მინისტრმა იტალია დიდი რისკის ქვეშ დააყენა.

მატეო სალვინიმ 8 აგვისტოს ქვეყანაში ვადამდელი არჩევნების ჩატარება მოითხოვა.