კასპის მუნიციპალიტეტში, სოფელ კოდისწყაროში 60 მოსწავლეზე გათვლილი საჯარო სკოლის სამშენებლო სამუშაოები დაიწყო.

როგორც „ინტერპრესნიუსს“ კასპის მუნიციპალიტეტის მერიიდან აცნობეს, სკოლის მშენებლობას მუნიციპალური ფონდის მიერ გამოცხადებულ ელექტრონულ ტენდერში გამარჯვებული შპს „ჯავა“ ახორციელებს. სამუშაოების ღირებულება 1 123 577 ლარია.

მათივე ინფორმაციით, თანამედროვე სტანდარტებით აშენებულ და კეთილმოწყობილ სკოლაში, გამყოფი ხაზისპირა სოფლებში მცხოვრები ბავშვები ისწავლიან.

„მიმდინარე წელს კასპის მუნიციპალიტეტში, ახალი სკოლები სოფელ წინარეხსა და ქვემო გომში აშენდება“, - აღნიშნა კასპის მუნიციპალიტეტის მერმა მანუჩარ მერებაშვილმა.