ბათუმში რეაბილიტირებული კაფე “ფანტაზიას” წინ “ნაციონალური მოძრაობის” წევრები აქციას მართავენ. ისინი აცხადებენ, რომ კაფეს გახსნის ცერემონიას საქართველოს პრემიერ-მინისტრი მამუკა ბახტაძე უნდა დაესწროს.
აქციის მონაწილეები აცხადებენ, რომ მამუკა ბახტაძეს ოკუპაციასთან დაკავშირებით, განცხადება არ გაუკეთებია. ისინი ასევე მოითხოვენ, რომ შინაგან საქმეთა მინისტრმა გიორგი გახარიამ თანამდებობა დატოვოს.
აქციის მონაწილეები ამბობენ, კაფე “ფანტაზიას” დანგრევას ხელისუფლება ცდილობდა, თუმცა იგი ბათუმელთა პროტესტით გადარჩა.
“ქართული ოცნება” ცდილობდა, რომ კაფე “ფანტაზია” თავის დროზე დაენგრია და უსახური შენობა აეშენებინა, თუმცა ეს ბათუმელთა პროტესტმა შეაჩერა და კაფე გადარჩა. სირცხვილია, რომ დღეს მოდის და კაფეს ხსნის”, - განაცხადეს აქციის მონაწილეებმა.