ევროკავშირი რუსეთის „დიდი რვიანის“ ჯგუფში უპირობო დაბრუნებას ეწინააღმდეგება

ევროკავშირი ეწინააღმდეგება რუსეთის „დიდი რვიანის“ ჯგუფში უპირობო დაბრუნებას. ამის შესახებ „ევრონიუსის“ ცნობით, ევროპული ბლოკის ერთ-ერთმა მაღალჩინოსანმა განაცხადა.

შეგახსენებთ, რამდენიმე დღის წინ აშშ-ის პრეზიდენტმა დონალდ ტრამპმა განაცხადა, რომ მიზანშეწონილი იქნება თუ მოსკოვს „დიდ შვიდეულს“ შეუერთდებოდა.

აღსანიშნავია, რომ „დიდი შვიდეულის“ ქვეყნები, მომავალ უქმეებზე საფრანგეთის საკურორტო ქალაქ ბიარიცში აპირებენ შეხვედრას.

„რუსეთის გარიცხვის მიზეზი კვლავ აქტიურია და მისი უპირობოდ დაბრუნების შეთავაზება იქნება არაპროდუქტიული და ჩვენი სისუსტის მანიშნებელი“, - განაცხადა ევროპელმა მაღალჩინოსანმა, რომელმაც ვინაობის გამხელაზე უარი თქვა.

„დიდი რვიანის“ წევრები ამერიკის შეერთებული შტატები, კანადა, საფრანგეთი, გერმანია, იტალია, იაპონია, გაერთიანებული სამეფო და რუსეთი იყვნენ, თუმცა ყირიმის ანექსიის გამო, 2014 წლის ივნისში G8-ის ქვეყნის ლიდერები სოჭში მორიგ სამიტზე აღარ გაემგზავრნენ და ფორუმიდან რუსეთი გააძევეს.

იხილეთ ვიდეო:

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს