გორის მუნიციპალიტეტის მერის წარმომადგენლის გია ოქროპირიძის ინფორმაციით, სოფელ საყავრეს მიმდებარედ, ხანძრის ლოკალიზებას ქარი აფერხებს.

„შემთხვევის ადგილზე იმყოფებიან საგანგებო სიტუაციების მართვის სამსახურის მეხანძრე-მაშველები, თუმცა, ქარი ხანძრის ლოკალიზებას აფერხებს. ხანძრის კერასთან საკმაოდ ახლო მანძილში მდებარეობს დასახლებული პუნქტი, თუმცა, ინფორმაცია გვაქვს, რომ მალე დამატებითი ჯგუფებიც შემოუერთდებიან აქ მყოფ მეხანძრეებს და ხანძრის ქრობის პროცესში ვერტმფრენიც ჩაერთვება. ასე რომ, იმედი გვაქვს, მოხერხდება ცეცხლის ლოკალიზება-ლიკვიდაცია და დამატებითი პრობლემები არ შეიქმნება", - განაცხადა „ინტერპრესნიუსთან" გია ოქროპირიძემ.

შეგახსენებთ, რომ პირველადი ინფორმაციით, ცეცხლი გავრცელებულია ტყის ქვედა საფარზე და ეკალ-ბარდზე.