„ბათუმის ფოტოდღეები“ 30 აგვისტოდან 1-ელი სექტემბრის ჩათვლით გაიმართება

„ბათუმის ფოტოდღეები“ ახალი მთავარი თემით და მრავალფეროვანი პროგრამით ბრუნდება. ინფორმაციას ამის შესახებ გაეროს განვითარების ფონდი ავრცელებს.

მათივე ცნობით, 30 აგვისტოდან 1-ელი სექტემბრის ჩათვლით, ფესტივალი სტუმრებს გამოფენებსა და ღამის ჩვენებებს სთავაზობს.

„ბათუმის ფოტოდღეების“ 2019 წლის და შესაბამისად, მთავარი გამოფენის თემაა Mirror Land,- „სარკისებრი სამყარო“, რომელიც იმ ყალბ ფასეულობებსა და სახეცვლილ რეალობას ეხმიანება, რაშიც ადამიანებს დღევანდელ სამყაროში უწევთ ცხოვრება და რისი გამომწვევიც სხვადასხვა პოლიტიკური მოვლენებია მედიაწყაროების მიერ ყალბი ინფორმაციის გავრცელების გამო“, - აღნიშნულია ინფორმაციაში.

მთავარი გამოფენა 30 აგვისტოს, 18:00 საათზე, სასტუმრო „ო. გალოგრეში“ გაიხსნება და 15 სექტემბრამდე გაგრძელდება.

„გამოფენის ფარგლებში წარმოდგენილი იქნება კონკურსის წესით შერჩეული 31 არტისტის ნამუშევარი მთელი მსოფლიოდან. გამოფენა მიზნად ისახავს, ასახოს მსოფლიოს სხვადასხვა კუთხეში მომუშავე ხელოვანების პირადი გამოცდილება, მათ ქვეყნებში არსებული პრობლემები და დაუკავშიროს ეს ფოტოდღეების მთავარ კონცეფციას - წარმოაჩინოს უსამართლო და ყალბი რეალობა, რომელშიც ადამიანებს უწევთ ცხოვრება, გვაჩვენოს ის მნიშვნელოვანი ისტორიები, რომელიც ჩაგვაფიქრებს, თუ რატომ ვართ აქ, ან რა შეგვიძლია გავაკეთოთ იმისთვის, რომ ჩვენი სამყარო უკეთესი გახდეს. დაგვანახოს, ყველაფერი ჩვენს არჩევანზეა - ვიცხოვროთ ანარეკლში თუ რეალობაში“, - ნათქვამია ინფორმაციაში.

ასევე, 30 აგვისტოს, 13 საათზე, „ბათუმის თანამედროვე ხელოვნების სივრცეში“ შედგება ფოტოლაბის გახსნა, შერჩეული მონაწილეების შეხვედრა მენტორებთან და პროექტების წარდგენა. ფოტოლაბის მიზანია, ხელი შეუწყოს დამწყებ არტისტებს იდეების დახვეწასა და განვითარებაში. ფოტოლაბის გამარჯვებულების ვინაობა 1-ელ სექტემბერს, 15 საათზე გახდება ცნობილი.

31 აგვისტოს „ბათუმის თანამედროვე ხელოვნების სივრცე“ ორ განსაკუთრებით საინტერესო გამოფენას - დორიან ტეტის „ვიზიტს“ და ლაშა (Fox) ცერცვაძის „გიორგის“ უმასპინძლებს.

„საფრანგეთში მომუშავე იტალიელი ფოტოგრაფის, დორიან ტეტის „ვიზიტი“ინტიმურობასთან დაკავშირებულ მითებს ეხება: ოჯახს, ურთიერთობებს, სახლებს, მოგონებებს და იდენტობას. ეს არის ფოტოამბავი ადამიანების ყოველდღიურობაზე, სიცარიელის შევსების მცდელობაზე, ძებნასა და გაუცხოებაზე, რომლის შესაქმნელადაც არტისტმა სხვების ცხოვრება მოირგო. ლაშა (Fox) ცერცვაძის „გიორგი“ პირველი შიშველი ქვიარ ფოტოპროექტია, რომელიც საქართველოში შეიქმნა და გამოიფინა. 2018 წელს ფოტოგრაფმა ქვიარ აქტივიზმისთვის „თანასწორობის ჯილდო“ მიიღო.

„ბათუმის ფოტოდღეების“ ფინალურ გამოფენის - იუსუკე ჰაშიდას „კორეა/საზღვარი“ გახსნას, 1-ელ სექტემბერს, 18 საათზე, კაფე K2 (მისამართი: ნ. დუმბაძის #12-14) უმასპინძლებს (კურატორი: ჟეაუკ კანგი). ფესტივალის მიმდინარეობისას, „თანამედროვე ხელოვნების სივრცის“ მიმდებარე ტერიტორიაზე, ყოველდღიურად, 20 საათიდან გაიმართება ღამის ჩვენებები, რომელზეც წარმოდგენილი იქნება ქართველი და უცხოელი ფოტოგრაფების ნამუშევრები. ღამის ჩვენებების პარტნიორები არიან: CIRCULATION Photo Festival (საფრანგეთი), სააგენტო Prospekt (იტალია),Vilnius Photo Circle (ლიეტუვა) და ISSP (ლატვია).

„ბათუმის ფოტოდღეები“ პროფესიონალ ფოტოგრაფებსა და ამ სფეროთი დაინტერესებულ ადამიანებს სთავაზობს სივრცეს შესაძლებლობების რეალიზების, თვითგამოხატვისა და იდეების გაცვლისთვის, ემოციების გაზიარებისა და პროფესიული განვითარებისთვის. ორგანიზატორები მიიჩნევენ, რომ მიუხედავად მასშტაბების სიმცირისა, „ბათუმის ფოტოდღეები“ უნიკალური პლატფორმაა, რომელიც არაერთ პროექტს, ექსპერიმენტს, საერთაშორისო თუ სექტორთაშორის თანამშრომლობას უყრის საფუძველს“, - ნათქვამია ინფორმაციაში.

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
დავით თარხან-მოურავი - ვინც კოდორი და ახალგორი ჩააბარა, ის გვაცხადებს რუსეთის აგენტად - ამაზე დაფიქრდით (R)
დავით თარხან-მოურავი - მოსახლეობის უმეტესობა ირჩევს "საქართველოს პატრიოტთა ალიანსს (R)
„ბადაგონმა“ თანამშრომლების უსაფრთხოებისთვის PCR ტესტირება დაიწყო
გიორგი ლომია - "ოცნება" და "ნაცმოძრაობა" იმდენად შეერწყნენ ერთმანეთს, რომ დღეს უკვე ერთნი არიან" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)