გურჯაანში მამაკაცის გაუჩინარების შესახებ ადგილობრივები რამდენიმე ვერსიას განიხილავენ

გურჯაანის მუნიციპალიტეტის სოფელ ძირკოკში მცხოვრებ მამაკაცს მე-6 დღეა ეძებენ. როგორც ახლობლები ამბობენ, 34 წლის ვანო მახარაშვილი მეზობელ სოფელში მეგობრებთან ერთად იმყოფებოდა, რის შემდეგაც არავის უნახავს.

ადგილობრივები ახალგაზრდის გაუჩინარების რამდენიმე ვერსიას განიხილავენ, მათ შორის მახარაშვილის მკვლელობას, თუმცა დაკარგულის მამის, ოთარ მახარაშვილისთვის საეჭვოა მკვლელობის ვერსია, რადგან განმარტავს, რომ მისი შვილი კონფლიქტური არ იყო და პრობლემები არავისთან ჰქონია.

"ბოლოს ორი კვირის წინ ვნახეთ. სახლში იყო მოსული. ტელეფონიც არ ჰქონდა და ვერ ვუკავშირდებოდით. ბევრი ტელეფონი დაამტვრია. არ ვიცი, სად შეიძლება წასულიყო. სოფელში ათასი ჭორი ვრცელდება. ამბობენ მოკლესო და არხში გადააგდესო, მაგრამ იქაც ეძება პოლიციამ. ორი დღე წყალი დააშრეს და ვერ იპოვეს. კონფლიქტური არ იყო, ვინმესთან რამე პრობლემა რომ ჰქონოდა. სოფელშიც მეუბნებიან, ყველასთან კარგი ურთიერთობა ჰქონდაო - იმათთანაც, სადაც მუშაობდა მწყემსად. განერვიულებულები ვართ, ათას ტყუილს ავრცელებენ. სად შეიძლება წასულიყო? ვითხოვთ, არ შეწყვიტონ სამუშაოები - ან ცოცხალი დაგვიბრუნონ ან მკვდარი," - განუცხადა „ინტერპრესნიუსს“ დაკარგული ახალგაზრდის მამა ოთარ მახარაშვილმა.

ამასთან, "ინტერპრესნიუსის"ინფორმაციით, დაკითხული ადამინების ჩვენებების მიხედვით, 34 წლის ვანო მახარაშვილის კვალი ალაზნის სარწყავ არხამდე მიდიოდა, რის გამოც 21 და 22 აგვისტოს მდინარე ალაზნის სარწყავ არხში წყალი დააშრეს, თუმცა პოლიციამ ვერაფერს მიაგნო. სამძებრო სამუშაოებში ჩართული იყვნენ მყვინთავებიც.

შინაგან საქმეთა სამინისტროს ინფორმაციით, ფაქტზე გამოძიება 115-ე მუხლით მიმდინარეობს, რაც თვითმკვლელობამდე მიყვანას გულისხმობს. უწყებისვე ცნობით, აქტიურად გრძელდება სამძებრო და სხვა საგამოძიებო სამუშაოები.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 13.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
ტექნიკის უდიდესი გამოფენა ევროპაში, სახელწოდებით IFA 2019, ბერლინში დასრულდა
პუტინს ცემახი უსათუოდ სჭირდება (R)
ვანო ჩხარტიშვილი - მამუკა ხაზარაძე ურცხვად ტყუის
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს
გალფი ტურისტული ზონების დასუფთავების მასშტაბურ აქციას იწყებს