ხულოში, სოფელ რიყეთში მსუბუქი ავტომობილი დაიწვა. შემთხვევის შედეგად არავინ დაშავებულა. ადგილზე საგანგებო სიტუაციების მართვის სამსახურის თანამშრომლები იყვნენ მობილიზებული. ხანძარი ამ დროისათვის ლიკვიდირებულია.

არსებული ინფორმაციით, მსუბუქ ავტომობილს ცეცხლი მოძრაობისას გაუჩნდა, მძღოლმა ავტომობილიდან გადმოსვლა დროულად მოახერხა.

ფაქტზე საქართველოს შინაგან საქმეთა სამინისტრომ გამოძიება „სისხლის სამართლის კოდექსის" 187-ე მუხლით დაიწყო, რაც ნივთის დაზიანებას ან განადგურებას გულისხმობს.