ყვარლის მუნიციპალიტეტში, სოფელ ახალსოფლის ტყეში ცეცხლის ქრობის სამუშაოები ვერტმფრენებმა დღეისთვის დაასრულეს.
ადგილზე კვლავ რჩება ცოცხალი ძალა. როგორც ადგილობრივი, ასევე თბილისიდან ჩამოსული მეხანძრე-მაშველთა ჯგუფი მთელი ღამის განმავლობაში ცეცხლის ლოკალიზებას შეეცდებიან.
ხვალ დილიდან კი, ავიაცია კვლავ ჩაერთვება ხანძრის ქრობის სამუშაოებში.
ასევე, მიმდინარეობს ტყეში გზის გაჭრა, რადგან სტიქიის ზონაში უფრო ახლოს მოხერხდეს სპეციალური ტექნიკის შეყვანა.
ამასთან, შეიქმნა საგანგებო შტაბი, რომელსაც საგანგებო სიტუაციების მართვის სამსახურის უფროსი თემურ მღებრიშვილი ხელმძღვანელობს.
შეგახსენებთ, სოფელ ახალსოფლის ტყეში ცეცხლი ხეებს და ხმელ ბალახს გუშინ გაუჩნდა.