აჭარის მთავრობის თავმჯდომარე მუხაესტატეში ინფრასტრუქტურული პროექტების შედეგებს გაეცნო. როგორც „ინტერპრესნიუსს“ აჭარის მთავრობიდან აცნობეს, თორნიკე რიჟვაძე მუხაესტატე-ბათნიძეებში იმყოფებოდა, სადაც გზის კეთილმოწყობა ივლისის ბოლოს დასრულდა.
მათივე ინფორმაციით, ახალი გზა დაეგო მუხაესტატე - ჩაის ფაბრიკა - გოგიტიძეების მიმართულებითაც. თითქმის 2 კმ სიგრძის მონაკვეთზე ასფალტბეტონის საფარი მოეწყო.
აჭარის მთავრობის ცნობით, წელს აჭარის საგზაო დეპარტამენტის ბიუჯეტიდან ქობულეთის მუნიციპალიტეტისთვის დაახლოებით 12,5 მილიონი ლარია გათვალისწინებული. საავტომობილო გზებზე მოეწყობა: 15,7 სიგრძის ასფალტბეტონის საფარი, 24 კმ. სიგრძის ბეტონის საფარი, აშენება 8 ახალი ხიდი და 45 ხელოვნური ნაგებობა.