ყვარლის მუნიციპალიტეტეში, ვერტმფრენებმა დღეს ცეცხლის ქრობის სამუშაოები, დაასრულეს. თუმცა სტიქიის ზონაში კვლავ რჩება ცოცხალი ძალა. როგორც ადგილობრივი, ასევე თბილისიდან ჩასული 70- მდე მეხანძრე-მაშველი მთელი ღამის განმავლობაში ცეცხლის სალიკვიდაციო სამუშაოებს შეასრულებს.

ხვალ დილით გადაწყდება კვლავ გახდება თუ არა ავიაციის ჩართვა საჭირო.

შეგახსენებთ, რომ მესამე დღეა რაც ახალსოფლიდან 5 კილომეტრში ხანძარს ებრძვიან. სტიქიის ზონაში აქტიურად მუშაობდა სასაზღვრო პოლიციის სამი ვერტმფრენი. რთული რელიეფის გამო, ადგილამდე მძიმე ტექნიკა ვერ ახერხებს მისვლას, რის გამოც თავდაცვის სამინისტროს სახანძრო ტექნიკა შეიყვანეს.