ყვარლის მუნიციპალიტეტის სოფელ ახალსოფლის ტყეში ხანძრის სალიკვიდაციო სამუშაოები გრძელდება. ამ ეტაპზე ქრობის პროცესში ავიცია არ ჩართულა.
დაკვამლიანებამ იკლო და ცეცხლის ღია კერები აღარ არის.
როგორც საგანგებო შტაბში განაცხადეს, 80-მდე მეხანძრე-მაშველი მთელი ღამის განმავლობაში უწყვეტ რეჟიმში მუშაობდა. მიმდინარეობს ცალკეული კერების დამუშავება.
შეგახსენებთ, მეოთხე დღეა, რაც სოფელ ახალსოფლიდან 5 კილომეტრში ხანძარს ებრძვიან.
რთული რელიეფის გამო გუშინ სტიქიის ზონაში თავდაცვის სამინისტროს სახანძრო ტექნიკა შეიყვანეს.
იხილეთ ვიდეო: სოფელ ახალსოფლის ტყეში ხანძრის სალიკვიდაციო სამუშაოები გრძელდება