მარიამ ქვრივიშვილმა იმერეთში კერძო სექტორის წარმომადგენლებს საქმიანი ტურიზმის პოტენციალი და დაგეგმილი აქტივობები გააცნო

საქართველოს ეკონომიკისა და მდგრადი განვითარების სამინისტროს ტურიზმის ეროვნულმა ადმინისტრაციამ იმერეთში არსებული ტურისტული სააგენტოების, განთავსებისა და კვების ობიექტების თანამშრომლებს, ტურიზმის სტრატეგია, სამოქმედო გეგმა და რეგიონში დაგეგმილი პროექტები გააცნო, - ამის შესახებ ,,ინტერპრესნიუსს’’ ტურიზმის ეროვნული ადმინისტრაციიდან აცნობეს.

იმერეთში საქმიანი ტურიზმის განვითარების პოტენციალს, ტურიზმის ეროვნული ადმინისტრაციის საკონვენციო ბიუროს 20-მდე წამყვანი კომპანიის წარმომადგენელი გაეცნო.

,,ქუთაისსა და წყალტუბოში ტურიზმის ეროვნული ადმინისტრაციის საკონვენციო და საგამოფენო ბიურომ რეგიონში საქმიანი ტურიზმის ცნობადობის ამაღლების მიზნით , შეხვედრები გამართა, სადაც საკონვენციო ბიუროს წევრი წამყვანი კომპანიების თანამშრომლებმა იმერეთის მცირე და საშუალო ბიზნესის წარმომადგენლებს გამოცდილება გაუზიარეს’’, - ნათქვამია ინფორმაციაში.

„ჩვენ შეხვედრაზე წარმოვადგინეთ ტურიზმის სტრატეგია 2025 წლამდე, ასევე, წყალტუბოსა და ქუთაისში დაგეგმილი და უკვე განხორციელებული აქტივობები. ტურიზმის ეროვნული ადმინისტრაციისთვის პრიორიტეტულია რეგიონებში კერძო სექტორთან მჭიდრო თანამშრომლობა, მოსახლეობის დასაქმება და ბიზნესის განვითარებისათვის შესაძლებლობის მიცემა“, -განაცხადა ტურიზმის ეროვნული ადმინისტრაციის ხელმძღვანელმა მარიამ ქვრივიშვილმა.

ამასთან, შეხვედრას იმერეთში სახელმწიფო რწმუნებული, გუბერნატორი ზვიად შალამბერიძე და ქუთაისის მერი დაესწრნენ.

დავით იაკობიძე - მთავარია, კარგად ვიცოდეთ, რა გვინდა სოფლის მეურნეობასა და ეკონომიკაში და ვიცოდეთ, ვის შევთავაზოთ პარტნიორობა
მინდია დავითაძე - აუცილებელია საქპატენტის უწყვეტ რეჟიმში ფუნქციონირება, რათა ბიზნესს შექმნილ ვითარებაში პრობლემა არ შეექმნას
ქართული პრესის მიმოხილვა 06.04.2020
ვაჟა ბერიძე - მთავრობა სწრაფად და ეფექტიანად რეაგირებს გამოწვევებზე, ეს სადღეისოდ საკმარისია, მაგრამ ტაში და ვაშა ჯერჯერობით ნაადრევია
Yandex.Taxi საქართველოში კორონავირუსისგან დაზარალებული მძღოლებისთვის ფინანსური მხარდაჭერის ფონდს აფუძნებს
„დანკინმა“ ინფექციურის  და პირველი საუნივერსიტეტო კლინიკის მედიკოსებს საუზმე მიართვა