თორნიკე რიჟვაძე ხელვაჩაურის მცხოვრებლებს შეხვდა

აჭარის მთავრობის თავმჯდომარე თორნიკე რიჟვაძე მოსახლეობასთან შეხვედრებს განაგრძობს. რეგიონის პირველი პირი მინისტრებთან და ადგილობრივი თვითმმართველობის ხელმძღვანელებთან ერთად ახალსოფლისა და თხილნარის მოსახლეობას შეხვდა.

როგორც „ინტერპრესნიუსს“ აჭარის მთავრობიდან აცნობეს, ახალსოფელში, ბაგა-ბაღისა და საბავშვო ბაღის გაფართოების საკითხი დაისვა. მოსახლეობამ, ასევე მოითხოვა რამდენიმე მიმართულებით შიდა გზების მოწყობა-რეაბილიტაცია. მახოელებმა რეგიონის ხელმძღვანელობას სოფლის ცენტრის კეთილმოწყობა და ახალგაზრდული ცენტრის გაკეთების თხოვნით მიმართეს. ასევე დასვეს გაზიფიცირების საკითხი. მოსახლეობამ თორნიკე რიჟვაძისაგან პრობლემების მოგვარების პირობა მიიღო და თითოეულ მათგანს გულახდილობისთვის მადლობა გადაუხადა. მინისტრებმა მოსახლეობას დეტალურად გააცნეს ჯანდაცვის, განათლებისა და სოფლის მეურნეობის პროგრამებით გათვალისწინებული სიახლეები.

„ჩვენ მზად ვართ გემსახუროთ თქვენ. აუცილებელია თქვენი მოსმენა, თქვენი გადაუდებელი საკითხების მოგვარება. ჩვენ გვინდა გავაკეთოთ მაქსიმუმი, რომ თქვენი ცხოვრება გახდეს უკეთესი. ინფრასტრუქტურა იყოს კარგი და სოციალური პაკეტი გაუმჯობესებული. მომავალი წლის ბიუჯეტში უნდა მოხდეს ყველაფრის გათვალისწინება, რომ შევძლოთ არსებული პრობლემების გადაჭრა, ახალი ინფრასტრუქტურული პროექტების დაგეგმვა და დასრულება მომავალი წლისთვის. ჩვენი ამოცანაა, პრაქტიკულად, 2020-21 წლებში აჭარაში არ გვქონდეს არცერთი დასახლებული პუნქტი, სადაც მოუწესრიგებელი იქნება მისასვლელი გზა, წყალმომარაგება და ინფრასტრუქტურა”, - განაცხადა თორნიკე რიჟვაძემ მოსახლეობასთან შეხვედრისას.

მათივე ინფორმაციით, შეხვედრები რეგულარულად გაიმართება აჭარის ყველა მუნიციპალიტეტის სხვადასხვა სოფლებში. თითოეული მსგავსი შეხვედრის მიზანია რეგიონის მომავალი წლის ბიუჯეტის ხალხის მოთხოვნებისა და საჭიროებების გათვალისწინებით დაგეგმვა.

თეა გოგოტიშვილი - სიფრთხილის და გონივრულობის გარდა გადარჩენის გზა არ გვაქვს
ქართული პრესის მიმოხილვა 02.12.2020
ვის ჩაუტარდება კლინიკა „ნიუმედში“ Covid 19-ის სწრაფი ტესტირება, მათ შორის ანტიგენზე დაფუძნებული ტესტით და D-დიმერის კვლევა უფასოდ? - ინტერვიუ კლინიკის დირექტორ ნათია ბულაცაშვილთან
კატარის ავიახაზები 15 დეკემბრიდან მე-5 ახალ მიმართულებას ამატებს სან ფრანცისკოს მიმართულებით და კიდევ უფრო აფართოებს ამერიკის შეერთებული შტატების ქსელს
გრიპის საწინააღმდეგო ვაქცინაცია კომპანია “GM Pharma”-ში
ლივომ უძრავი ქონების ყიდვა-გაყიდვის პროცესის გამარტივებისთვის სერვისების 80% გააციფრულა