ეკონომიკის მინისტრის მოადგილე - კახეთის მოსახლეობასთან განვიხილეთ პროექტები, რომლებიც იდეების ინკლუზიური გენერირებით უზრუნველყოფს დასაქმების ზრდას

ადგილობრივ საჭიროებებსა და დაგეგმილ ინფრასტრუქტურულ პროექტებთან ერთად, მოსახლეობასთან ვისაუბრეთ იმ ეკონომიკურ გამოწვევებზე, რომლებიც ქვეყანას აქვს და ყველა პროექტი, რომელიც ერთობლივად განვიხილეთ, ემსახურება მიზანს, რომ მოხდეს ინკლუზიურად იდეების გენერირება და შეიქმნას ისეთი პროექტები, რომლებიც დასაქმების ზრდას უზრუნველყოფს, - ამის შესახებ ეკონომიკისა და მდგრადი განვითარების მინისტრის მოადგილემ, აკაკი საღირაშვილმა თელავის მუნიციპალიტეტში ადგილობრივ მოსახლეობასთან შეხვედრის დასრულების შემდეგ განაცხადა.

როგორც „ინტერპრესნიუსს“ ეკონომიკისა და მდგრადი განვითარების სამინისტროდან აცნობეს, მინისტრის მოადგილესთან ერთად თელავის სოფლებში - კისისხევში, ნასამხრალსა და წინანდალში იმყოფებოდნენ კახეთის სახელმწიფო რწმუნებული ირაკლი ქადაგიშვილი, პარლამენტარები - ირაკლი სესიაშვილი, ლევან კობიაშვილი, გელა სამხარაული და ადგილობრივი მუნიციპალიტეტის წარმომადგენლები.

უწყების ინფორმაციით შეხვედრებზე აღინიშნა, რომ მნიშვნელოვანია მოსახლეობასთან იმ გამოწვევებისა და პრობლემების განხილვა, რომელთა გათვალისწინებითაც 2020 წლის სახელმწიფო ბიუჯეტის პრიორიტეტები განისაზღვრება.

„ძალიან მნიშვნელოვანია ასეთი შეხვედრების გამართვა, ვინაიდან უშუალო კონტაქტი მყარდება მოსახლეობასთან და ადგილზე ვეცნობით პრობლემებს, რომლებიც შემდეგში არის მოსაგვარებელი. 2020 წლის ბიუჯეტი უკვე არის დაგეგმარების პროცესში და გვსურს, გავაკეთოთ აქცენტები და პრიორიტეტები გამოვყოთ მოსახლეობასთან უშუალო კომუნიკაციით. ამ კომუნიკაციის ხიდი სულ უნდა არსებობდეს“, - განაცხადა აკაკი საღირაშვილმა.

მინისტრის მოადგილის თქმით, შეხვედრებზე ხაზი გაესვა მცირე სასტუმროებისა და ღვინის ტურიზმის განვითარებასაც.

„ბუნებრივია, როდესაც ორიენტირებულები ვართ, რომ ქვეყანაში ჩამოვიყვანოთ რაც შეიძლება მეტი უცხოელი ტურისტი, მათ უნდა ჰქონდეთ შესაბამისი ინფრასტრუქტურა, შესაბამისი სერვისი. ამ მხრივ, ძალიან კარგი ინიციატივა გააჟღერა ადგილობრივმა ხელისუფლებამ - ეს არის კოოპერირების მოდელი, სადაც არის სახელმწიფოს კონტრიბუციაც და ეს ყველაფერი გავაცანით მოსახლეობას“, - განაცხადა საღირაშვილმა.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს