დაბა მანგლისში არტ-ფესტივალი „ბეგა-ფესტი“ გაიმართება

თეთრიწყაროს მუნიციპალიტეტის დაბა მანგლისში, არტ-ფესტივალი „ბეგა-ფესტი“ 31 აგვისტოს, წელს პირველად, გაიმართება. როგორც „ინტერპრესნიუსს“ თეთრიწყაროს მუნიციპალიტეტიდან აცნობეს, ფესტივალის მიზანია, საფუძველი ჩაუყაროს მანგლისში კულტურული ცხოვრების გაცოცხლებას, ხელი შეუწყოს კულტურული ტურიზმის განვითარებას, ვიზიტორების მოზიდვას, უნიკალური ბუნების და კლიმატის პოპულარიზაციას და მანგლისის, როგორც უძველესი ქრისტიანული, კულტურული კერის და საკურორტო დასახლების პოპულარულ ტურისტულ მიმართულებად გადაქცევას. „ბეგა-ფესტი“ ერთგვარ ტრადიციად დამკვიდრდება და ყოველ წელს, დაბა მანგლისში, მასშტაბური კულტურული ღონისძიებებით აღინიშნება.

ფესტივალის ფარგლებში, 31 აგვისტოს 14:00 საათიდან მანგლისის ცენტრალურ პარკში, ღია ცის ქვეშ, წარმოდგენილი იქნება შემეცნებით-გასართობი ღონისძიებები; გაიმართება ხალხური ტრადიცული რეწვისა და ხელოვნების ნიმუშების, ასევე ინდივიდუალურ ხელოვანთა ნამუშევრების და ადგილობრივი წარმოების პროდუქციის გამოფენა-გაყიდვა. გაიმართება ადგილობრივი შემოქმედებითი ჯგუფების საკონცერტო ღონისძიება. ფესტივალზე სპეციალური პროგრამით წარსდგება ჯგუფი - „რეგიონი“, ხოლო მუსიკალურ საღამოს გააგრძელებს დიჯეი ROMA J.

ფესტივალის ორგანიზატორია, თეთრიწყაროს მუნიციპალიტეტის მერია, მხარდამჭერები: ქვემო ქართლში სახელმწიფო რწმუნებულის ადმინისტრაცია და საქართველოს კულტურის პალატა. ფესტივალის ჩატარების იდეა მანგლისში მცხოვრებ მოქალაქეებს ეკუთვნით.

ამირან სალუქვაძე - მოახლოებული არჩევნების მნიშვნელობა გაიზარდა, საკმაოდ დაძაბული ბრძოლის მომსწრე ვიქნებით და იმედია, არჩევნების შემდეგ დასავლეთის ხელახალი დახმარება არ დაგვჭირდება
ქართული პრესის მიმოხილვა 23.04.2021
ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
„ლუტეცია ჯგუფი“ ვახტანგ ფხაკაძის სახელობის საქველმოქმედო ფონდს აარსებს
კახა ოქრიაშვილი - 2021 წელს 43%-იანი პლებისციტის დანიშვნა ნიშნავს იმას, რომ 2020 წლის საპარლამენტო არჩევნები არ დასრულებულა
ახალი სერვისი არააქტიური მოპოვების ლიცენზიის მფლობელებს