ხობში, პატარა ფოთის ტერიტორიაზე მომხდარი ავარიისას დაშავებულები ფოთის ჰოსპიტალიდან შესაბამისი პროფილის კლინიკაში გადაიყვანეს, - ამის შესახებ „ინტერპრესნიუსს“ ჰოსპიტალის დირექტორმა თეა მიგინეიშვილმა განუცხადა.

მისი თქმით, მათი მდგომარეობა მძიმე, მაგრამ სტაბილურია.

„ავტოსაგზაო შემთხვევის შემდეგ შემოიყვანეს 4 პაციენტი, 2 მცირეწლოვანი და 2 მოზრდილი. ერთ მცირეწლოვანს აღენიშნებოდა სიცოცხლისათვის შეუთავსებელი დაზიანებები და მიუხედავად ჩატარებული რეანიმაციული ღონისძიებებისა, სამწუხაროდ, გარდაიცვალა. დანარჩენი სამი პაციენტის მდგომარეობა მძიმე, მაგრამ სტაბილურია, აღენიშნებოდათ მრავლობითი ტრავმული დაზიანებები. გაწეული დახმარების შემდგომ განხორციელდა სამივეს გადაყვნა შესაბამისი პროფილის კლინიკაში“, -აღნიშნა თეა მიგინეიშვილმა.

შეგახსენებთ, რომ ხობის მუნიციპალიტეტში, სოფელ პატარა ფოთის ტერიტორიაზე მომხდარი ავტოსაგზაო შემთხვევის შედეგად არასრულწლოვანი გარდაიცვალა, სამი პირი კი დაშავდა.