რუსეთში რეჯებ თაიფ ერდოღანის ოფიციალური ვიზიტი დაიწყო

თურქეთის პრეზიდენტი რეჯებ თაიფ ერდოღანი ოფიციალური ვიზიტით რუსეთში ჩავიდა. ერდოღანმა რუსეთის პრეზიდენტ ვლადიმერ პუტინთან ერთად მოინახულა საავიაციო-კოსმოსური სალონი „მაკს-2019“, რომელიც ორ წელიწადში ერთხელ იმართება და დღეს გაიხსნა. შემდეგ პრეზიდენტებს შორის ორმხრივი შეხვედრა დაიწყო.

„მოხარული ვარ, რომ დღეს ორმხრივი ურთიერთობების განხილვის საშუალება მოგვეცა. ვისაუბრებთ ჩვენი ურთიერთობის პერსპექტივებზეც და რეგიონული პოლიტიკის მგრძნობიარე საკითხებზეც“, - განაცხადა პუტინმა ერდოღანთან მოლაპარაკებების დაწყებამდე. პუტინმა ერდოღანს ეკონომიკის მაღალტექნოლოგიურ სფეროში ძალისხმევის გაერთიანება შესთავაზა.

„ჩვენ ვიცით თქვენი გეგმების შესახებ თურქეთის ეკონომიკის მაღალტექნოლოგიური სფეროს განვითარების თაობაზე. ჩვენ, ცხადია, შეგვიძლია გავაერთიანოთ ჩვენი ძალისხმევა იმ მიმართულებებში, სადაც ჩვენი კომპეტენციები ყველაზე ძლიერი და მოთხოვნადია“, - განაცხადა რუსეთის პრეზიდენტმა.

მანამდე ავიასალონის დათვალიერებისას თურქეთის პრეზიდენტი დაინტერესდა რუსული სანიტარული ვერტმფრენით „ანსატით“ და მეხუთე თაობის ავიაგამანადგურებლით „სუ-57“-ით.

ამ ინფორმაციას „რია ნოვოსტი“ ავრცელებს.

ვალერი სოლოვეი - თუ დაავადებულთა აბსოლუტურ ციფრებს გავითვალისწინებთ, რუსეთი ევროპაში იტალიისა და ესპანეთის შემდეგ მესამე ადგილზეა
BTU-ს ახალი ამერიკული პარტნიორი StrategEast ქვეყანაში ტექნოლოგიური ჰაბის განვითარების პროცესში ერთვება
ქართული პრესის მიმოხილვა 30.03.2020
ლევან ბოძაშვილი - ახლა არაორდინარული, არასტანდარტული გადაწყვეტილებების დროა
„ნიკორამ“ StopCOV ფონდის მხარდასაჭერად 100 000 ლარი გადარიცხა
„დრიმლენდ ოაზისი ჩაქვის“ დამფუძნებლების გადაწყვეტილებით, სასტუმრო სრული მომსახურების პაკეტით უსასყიდლოდ გადაეცა სახელმწიფოს საკარანტინე მიზნებისთვის, სამშობლოში დაბრუნებული მოქალაქეების განსათავსებლად