სალომე ზურაბიშვილი საერთაშორისო ფორუმზე - საქართველო არის ქვეყანა, სადაც შეუძლებელი არაფერია - მეუბნებოდნენ, რომ არასდროს აირჩევდა „ფრანგ ქალს", მან კი ის აირჩია

საქართველო არის ქვეყანა, სადაც შეუძლებელი არაფერია. მეუბნებოდნენ, რომ საქართველო არასდროს აირჩევდა „ფრანგ ქალს", მან კი ის აირჩია. როდესაც მეუბნებიან, რომ ევროკავშირი ოცნებაა, მე ვპასუხობ, რომ ევროპის ისტორია რეალობად ქცეული ოცნებებია,- ამის შესახებ საქართველოს პრეზიდენტმა სალომე ზურაბიშვილმა საფრანგეთში ვიზიტის ფარგლებში, მედეფის საერთაშორისო ფორუმზე სიტყვით გამოსვლისას განაცხადა.

სალომე ზურაბიშვილმა ფრანგ ხალხს საქართველოში ვიზიტისკენ მოუწოდა, რათა ნახონ ქართველები როგორი ევროპელები არიან.

„ჩემთვის დიდი პატივია მედეფის საერთაშორისო ფორუმში მონაწილეობის მიღება. დღევანდელ ღონისძიებაზე მოწვევა დიდი პატივია არამხოლოდ ჩემთვის, არამედ, ჩემი ქვეყნისთვის. დღეს ჩემი აქ მოწვევით თქვენ გამოხატავთ იმას, რასაც ჩვენ თქვენგან ყველაზე მეტად ველით - ეს არის აღიარების ჟესტი, აღიარება იმისა, რომ ჩვენ შეგვიძლია ჩვენს თავზე ისე ვისაუბროთ, როგორც ევროპაზე. ჩვენ ვართ ქვეყანა, რომელიც ევროპის წევრობისკენ მიისწრაფის. შესაბამისად, ნება მიბოძეთ, მოგმართოთ არამხოლოდ, როგორც ევროპაზე შეყვარებული ქვეყნის პრეზიდენტმა, არამედ როგორც ევროპული ქვეყნის პრეზიდენტმა. იმ ქვეყნის პრეზიდენტმა, რომელიც თავს უკვე ევროპის ნაწილად გრძნობს. ჩამოდით ჩვენთან, რომ თავად დაინახოთ როგორი ევროპელები ვართ. მე ჩემი პირადი ისტორია მაძლევს უფლებას ვთქვა, რომ საქართველო არის ქვეყანა, სადაც შეუძლებელი არაფერია.

ისტორია სიურპრიზებითაა სავსე, მეუბნებოდნენ, რომ საბჭოთა კავშირი მუდმივად იარსებებდა, თუმცა საქართველო პირველი იყო, რომელმაც დამოუკიდებლობა გამოაცხადა. მეუბნებოდნენ, რომ საქართველო არასდროს აირჩევდა „ფრანგ ქალს", მან კი ის აირჩია. ამიტომ, როდესაც მეუბნებიან, რომ ევროკავშირი ოცნებაა, მე ვპასუხობ, რომ ევროპის ისტორია რეალობად ქცეული ოცნებებია. საფრანგეთისა და გერმანიის შერიგება, გერმანიის გაერთიანება და ევროპის აღმოსავლეთისაკენ გაფართოება. ევროპა არაფერია, თუ ის არ ოცნებობს.

ჩინეთის აღზევებისა და ამერიკის ახალი პრობლემატიკიდან გამომდინარე, ევროპა კიდევ ერთხელ დგას ეგზისტენციალური არჩევანის წინაშე: გახდეს რეალური პოლიტიკური ძალა და დაიცვას თავისი ინტერესები. მე დარწმუნებული ვარ, რომ ევროპას სხვა გზა, გარდა წარმატებისა არ აქვს. თითოეულ დიდ კრიზისს ყოველთვის მოსდევს პროგრესული ნაბიჯი და სწორედ ამას ველით ჩვენ, ქართველები“,- განაცხადა პრეზიდენტმა“, - განაცხადა პრეზიდენტმა.

ლევან ბოძაშვილი - ახლა არაორდინარული, არასტანდარტული გადაწყვეტილებების დროა
ქართული პრესის მიმოხილვა 26.03.2020
სოსო არჩვაძე - ეროვნული ვალუტის კურსის რყევამ  შეიძლება სერიოზულად დააზიანოს ის შედეგები, რაც მიღწეულია მთავრობის მიერ
„მაკდონალდსი“ ლუგარის ლაბორატორიის პერსონალის კვებაზე ზრუნავს
„ვენდი“ და „დანკინი“ მიწოდების უკონტაქტო სერვისზე გადადის
კომპანია "ლისი დეველოპმენტმა" მთავრობის მიერ შექმნილ StopCov ფონდში 50 000 ლარი გადარიცხა
„ვისოლ ჯგუფი“ თბილისის მერიასთან ერთად მარტოხელა მოხუცებს ყოველდღიური მოხმარების საგნებითა და საკვები პროდუქტებით მოამარაგებს
„სოკარმა“ STOPCOV ფონდის მხარდასაჭერად საქართველოს ბიზნეს ასოციაციაში 200 000 ლარი ჩარიცხა
ბაზისბანკის ვიდეობანკი ციფრული სერვისების გასააქტიურებლად
შპს "ფერიმ" და სს "დარიალი ენერჯიმ" კორონავირუსთან ბრძოლის ფონდს ნახევარი მილიონი ლარი გადაურიცხა
ლიბერთის პროგრამა აპრილის პენსიების წინასწარ ჩარიცხვის მიმართულებით ყველა ასაკის პენსიონერზე გავრცელდება