ორგანიზაცია „სირცხვილიამ“ 20 სექტემბრის აქციისთვის მზადება დაიწყო

ორგანიზაცია „სირცხვილიას“ და „ევროპული საქართველოს“ წევრებმა ზუგდიდში, მეორე სკოლის მიმდებარედ სტიკერები გააკრეს, რითაც მოქალაქეებს 20 სექტემბერს, რუსთაველზე დაგეგმილ აქციაში მონაწილეობის მიღებისკენ მოუწოდებენ.

„სირცხვილიას“ წევრის, გიგა მაქარაშვილის თქმით, მანამდე „პატარა აქციები“ საქართველოს ყველა მსხვილ ქალაქში ჩატარდება.

„ვფიქრობთ, რომ საქართველოს ყველა მსხვილ ქალაქში ჩავალთ და ჩავატარებთ პატარა აქციებს. ეს აქციები აუცილებლად იქნება გადაცემული პირდაპირ ეთერში. ზუგდიდში 14 სექტემბერს შედგება აქცია. თბილისიდანაც ჩამოვლენ, მაგრამ მთავარი ბირთვი იქნება ადგილობრივი მოსახლეობა, ვინც თვლის, რომ მართლა სირცხვილია ამ რეჟიმში ცხოვრება“,- აღნიშნა მაქარაშვილმა.

„ევროპული საქართველოს“ წევრის, ელენე ხოშტარიას თქმით კი, ეს არ არის ერთი ქალაქის საკითხი და პროტესტმა მთელი ქვეყანა უნდა მოიცვას.

“რაც ხდება რუსთაველზე 20 ივნისიდან მოყოლებული, ეს არ არის თბილისის და რუსთველის საკითხი. ეს არის მთელი საქართველოს საკითხი, იმიტომ, რომ მთელს საქართველოში სირცხვილია. ამიტომ ძალიან მნიშვნელოვანია რეგიონებში სიარული. ეს არ არის პარტიული კუთვნილება, ან რომელიმე რეგიონის კუთვნილება. საქართველოს მომავალი არის დამოკიდებული იმაზე თუ, რამდენად აქტიურები იქნებიან მოქალაქეები დღეს“, - აღნიშნა ხოშტარიამ.

მისივე ინფორმაცით, მსგავსი შინაარსის სტიკერები გუშინაც გააკრეს, თუმცა ხელისუფლებამ ის მალევე ჩამოხსნა.

„გუშინ ადგილობრივ აქტივისტებთან ერთად, როდესაც გავაკარით სტიკერები, ხელისუფლებამ სასწრაფოდ ჩამოხია იმიტომ, რომ მათ ეშინიათ 20 სექტემბერს დიდი, მასობრივი პროტესტის, რომელიც აუცილებლად იქნება. ასევე პროტესტი იქნება ყველა რეგიონში“, - განაცხადა დეპუტატმა.

თავის მხრივ, ზუგდიდის მერიაში აცხადებენ, რომ სტიკერები არ ჩამოუხსნიათ. მათივე განმარტებით, ღობე, სადაც სტიკერები გააკრეს, კერძო საკუთრებაა და შესაბამისად, მათ ტერიტორიის დასუფთავების უფლება არც ჰქონდათ.

ზაზა ფირალიშვილი - კრემლს ჩვენში ისეთი ძალის გამარჯვება აწყობს, ვინც კონფრონტაციული რიტორიკის ერთგული იქნება, ვერ შეძლებს ქვეყანში დიალოგისა და თანამშრომლობის ატმოსფეროს შექმნას
ქართული პრესის მიმოხილვა 29.10.2020
ვახტანგ ძაბირაძე - დღეს საზოგადოებაში არ ჭარბობს განწყობა - ოღონდ ეს ხელისუფლება წავიდეს და ვინც გინდა მოვიდეს
ექსპოჯორჯია აგრო ექსპორტის ფორუმს, ონლაინ - B2B ფორმატში გამართავს
ირმა ინაშვილი - "ქართული ოცნება" დამნაშავეა იმაში, რომ წლების მანძილზე ხელს აფარებდა დამნაშავეებს (R)
გიორგი ლომია - ციხის კადრებში ნათლად ჩანს, რომ პატიმრების წამებაში მთელი სისტემა იყო ჩართული (R)
ირმა ინაშვილი - "ნაციონალური მოძრაობა" ისტორიას და ფაქტებს ვერ წაშლის, რადგან ხალხს ყველაფერი ახსოვს (R)
ირმა ინაშვილი - ჩვენ უნდა მოვუგოთ მწამებელ "ნაციონალურ მოძრაობას" და მათ მფარველებს "ოცნებიდან" (R)
გაერთიანება „ერთად არჩევნებისათვის“ წინასაარჩევნო პერიოდს აფასებს
კოლიერსი საქართველოში სამშენებლო მიმართულებას აძლიერებს
სამსუნგის ოფიციალური ჰოლოგრამა გიცავს და გასაჩუქრებს
ჰიუნდაის დიზაინი გამარჯვებულია - DMI Design Value Awards 2020  დიზაინისთვის „Sensuous Sportiness“
„მეგატექნიკაში“ „სამსუნგის“ ფესტივალი დაიწყო