გორის მუნიციპალიტეტის სოფლების მოსახლეობასთან შეხვედრები გრძელდება

გარემოს დაცვისა და სოფლის მეურნეობის მინისტრის პირველი მოადგილე გიორგი ხანიშვილი და შიდა ქართლის რწმუნებული გიორგი ხოჯევანიშვილი გორის მუნიციპალიტეტის სოფლების შინდისის, ფხვენისისა და ნიქოზის მოსახლეობას შეხვდნენ. ამის შესახებ „ინტერპრესნიუსს“ გარემოს დაცვისა და სოფლის მეურნეობის სამინისტროდან აცნობეს. შეხვედრებზე საუბარი შეეხო სოფლად მცხოვრები მოსახლეობის საჭიროებებს და არსებულ პრობლემებს. ყურადღება გამახვილდა ადგილობრივებისთვის პრიორიტეტული საკითხების მოგვარებაზე, მათ შორის, ინფრასტრუქტურული, სოფლის მეურნეობის, ჯანდაცვისა და სოციალური დაცვის პროექტების განხორციელების მნიშვნელობაზე.

ხელისუფლების წარმომადგენლებმა ადგილობრივებს ის პროექტები გააცნეს, რომელთა განხორციელებაც გორის მუნიციპალიტეტშია დაგეგმილი. შეხვედრზე ხაზგასმით აღინიშნა, გადაწყვეტილების მიღების პროცესში მოქალაქეების აქტიური ჩართულობის და მსგავსი ფორმატის შეხვედრების მნიშვნელობა. ხელისუფლების წარმომადგენლების განცხადებით, მომავალი წლის ბიუჯეტში მაქსიმალურად იქნება ასახული შეხვედრებზე გამოკვეთილი პრობლემების გადაჭრისა და საჭიროებების უზრუნველყოფის გზები.

გორის მუნიციპალიტეტის მოსახლეობასთან შეხვედრებს საქართველოს პარლამენტის წევრები მიხეილ ყაველაშვილი, ენძელა მაჭავარიანი და კობა კობალაძე, გორის მაჟორიტარი დეპუტატი იოსებ მაკრახიძე და ადგილობრივი თვითმმართველობის წარმომადგენლებიც ესწრებოდნენ.

ზაზა ფირალიშვილი - კრემლს ჩვენში ისეთი ძალის გამარჯვება აწყობს, ვინც კონფრონტაციული რიტორიკის ერთგული იქნება, ვერ შეძლებს ქვეყანში დიალოგისა და თანამშრომლობის ატმოსფეროს შექმნას
ქართული პრესის მიმოხილვა 29.10.2020
ანა დოლიძე - მჯერა, რომ უკეთესი საქართველოსთვის ბრძოლას  აქვს აზრი
„თეგეტა მოტორსი“ 25 წლის იუბილეს აღნიშნავს
სამსუნგის 8K რეზოლუციის ტელევიზორების ლაინაფით ახალ მწვერვალებს იპყრობს
მერაბ ჭიქაშვილი - როგორ შეიძლება კადრების ისე დადგმა, რომ მასში მონაწილეობა მაღალი თანამადებობის პირებს მიაღებინო? (R)
კახა ძაგანია - "ნაცმოძრაობის" მმართველობისას ყველაზე მეტი გარდაცვლილი პატიმარი იყო და ამაზე ყველა საერთაშორისო ორგანიზაცია წერდა (R)
გიორგი ლომია - "პატრიოტთა ალიანსი" ერთადერთი ძალაა, რომელიც სამართლიანობას აღადგენს (R)
ირმა ინაშვილი - ჩვენ არავის მივცემთ იმის უფლებას, რომ გამარჯვება წაგვართვან! (R)