მცხეთა-მთიანეთში სახალხო დღესასწაული „თიანეთობა“ აღინიშნა

მცხეთა-მთიანეთის რეგიონში, „თიანეთობა 2019“ აღინიშნა. როგორც „ინტერპრესნიუსს“ მცხეთა-მთიანეთის მუნიციპალიტეტიდან აცნობეს, ღონისძიებას მხარის სახელმწიფო რწმუნებული შალვა კერესელიძე, მოადგილესთან თამაზ სუჯაშვილთან ერთად დაესწრო და მოსახლეობას სახალხო დღესასწაული მიულოცა.

მათივე ინფორმაციით, დღესასწაულთან დაკავშირებით, დღის განმავლობაში კულტურული, სპორტული და გასართობი ღონისძიებები ჩატარდა. წარმოდგენილი იყო ფოლკლორი, ადგილობრივი ვოკალური და ქორეოგრაფიული ანსამბლების შესრულებით. მოეწყო წიგნებისა და ხალხური რეწვის ნამუშევრების გამოფენა-გაყიდვა. სტუმრებს შესაძლებლობა ჰქონდათ, დაეგემოვნებინათ ფშავ-ხევსურული სამზარეულო. გაიმართა დოღი და სპორტული შეჯიბრებებიც. ასევე, სპეციალურად პატარებისთვის მოეწყო ზღაპრის ქალაქი. თიანეთში მცხოვრებმა ბავშვებმა მუნიციპალიტეტის მერიისგან სიმბოლური საჩუქრებიც მიიღეს.

ღონისძიების ფარგლებში, მცხეთა-მთიანეთის რწმუნებულმა შალვა კერესელიძემ და თიანეთის მუნიციპალიტეტის მერმა თამაზ მეჭიაურმა, რამდენიმე დასრულებული ინფრასტრუქტურული პროექტი მოინახულეს: სრული რეაბილიტაცია ჩაუტარდა საბავშვო ბაღს და მრავალფუნქციურ შენობას სოფელ ჟებოტაში, მოასფალტდა დაბა თიანეთი-ჭურჭელაურების, ზარიძეები-ჯიჯეთისა და ჟებოტა-ახალსოფელის გზები. სამუშაოები რეგიონული განვითარებისა და ინფრასტრუქტურის სამინისტრომ რეგიონებში განსახორციელებელი პროექტებისა და მთიანი დასახლებების განვითარების ფონდებიდან დააფინანსა.

სახალხო დღესასწაულზე, ტრადიციულად, თიანეთის საპატიო მოქალაქეები დაჯილდოვდნენ. ტიტული ღვაწლმოსილ პედაგოგებს - ნატაშა გონჯილაშვილსა და ზაქარია აქიმიშვილს და მედიცინის მუშაკებს - ოთარ ცალუღელაშვილსა და იზოლდა მახარაძეს მიენიჭათ.

„თიანეთობა 2019“ გალა კონცერტით და ფოიერვერკით დასრულდა.

ავთანდილ წულაძე - საქართველოსთან მიმართებაში რუსეთის სტრატეგიული მიზანი არსებული სტატუს-კვოს შენარჩუნებაა
ქართული პრესის მიმოხილვა 24.01.2020
ვახტანგ ხმალაძე - ეუთო/ოდირის პასუხი საარჩევნო სისტემასთან დაკავშირებით ოპოზიციის წინადადებაზე სავარაუდოდ, ამ თვის ბოლომდე უნდა იყოს
„რადისონ ქოლექშენ, წინანდლის მამულის" ზამთრის შეთავაზება