საქართველოს პრეზიდენტი, სალომე ზურაბიშვილი ესტონეთის პრეზიდენტს კერსტი კალილუაიდს შეხვდა. ამის შესახებ „ინტერპრესნიუსს“ პრეზიდენტის ადმინისტრაციიდან აცნობეს.
მათივე ინფორმაციით, შეხვედრისას პრეზიდენტებმა საქართველოში მიმდინარე სიტუაციაზე და საოკუპაციო ხაზზე არსებულ მდგომარეობაზე ისაუბრეს.
ესტონეთის პრეზიდენტის თქმით, საოკუპაციო ხაზს ის ეძახის ბოროტების ხაზს.
„ჩვენ ვისაუბრეთ საქართველოში მიმდინარე სიტუაციაზე, ოკუპაციის ხაზზე, რომელსაც პირადად მე ბოროტების ხაზზს ვეძახი. გასულ კვირას უშუალოდ ჩავები პროცესებში, რომ საქართველოს შესახებ ინფორმაცია მსოფლიო ლიდერებისთვის პირადად მიმეწოდებინა”, - განაცხადა კერსტი კალილუადიმა.
„შეხვედრისას საუბარი ასევე შეეხო აღმოსავლეთ პარტნიორობას და იმას, თუ როგორ უნდა გახდეს უფრო მჭიდრო ორი ქვეყნის თანამშრომლობა“, - აღნიშნულია ინფორმაციაში.
იხილეთ ვიდეო: ვისაუბრეთ ოკუპაციის ხაზზე, რომელსაც მე ბოროტების ხაზს ვეძახი - ესტონეთის პრეზიდენტი სალომე ზურაბიშვილთან შეხვედრაზე