ზუგდიდის მერის ინფორმაციით, იმ უბანს, სადაც მოსახლეობა, სავარაუდოდ, სასმელი წყლით მოიწამლა, ლაბორატორიულ შემოწმებამდე სასმელი წყლით მოამარაგებენ

ზუგდიდის მუნიციპალიტეტის მერი გიორგი შენგელია, მოადგილეებთან და კომპანიის წარმომადგენლებთან ერთად, თეთრი გიორგის, ლვოვისა და ერევნის ქუჩებზე მოსახლეობას შეხვდა და იქ არსებულ ვითარებას ადგილზე გაეცნო.- ამის შესახებ ,,ინტეპრესნიუსს’’ ზუგდიდის მუნიციპალიტეტის მერიიდან აცნობეს.

„თეთრი გიორგის ქუჩაზე საკანალიზაციო არხის მოწყობის სამუშაოები მიმდინარეობს. მოსახლეობის განცხადებით, აღნიშნული სამუშაოების შემდეგ, მათი ჭები დაბინძურდა, რამაც, რამდენიმე ადამიანის მოწამვლა გამოიწვია. 6 ადამიანი ინფექციურ საავადმყოფოში მკურნალობს.

ჩვენ ჩართულები ვართ ამ პროცესში, კომპანია დავავალდებულეთ, რომ ადგილობრივები წყლით მომემარაგებინა, თუმცა ეს გარკვეული შეფერხებებით ხორციელდებოდა. ადგილზე შევისწავლეთ მდგომარეობა. აღნიშნული მოსახლეობა სასმელი წყლით სრულად მომარაგდება, იმ პერიოდამდე, სანამ ყველა ოჯახში სასმელი წყლის მდგომარეობა ლაბორატორიულად არ შემოწმდება. პრობლემის აღმოფხვრამდე, კომპანია მუნიციპალიტეტთან ერთად, აღნიშნულ უბანს სასმელი წყლით მოამარაგებს“, - აღნიშნა გიორგი შენგელიამ.

ზუგდიდში, თეთრი გიორგის, ლვოვისა და ერევნის ქუჩებზე აღნიშნული პრობლემის საბოლოო მოგვარებამდე, მოსახლეობა სასმელი წყალით უზრუნველყოფილი იქნება.

ლევან ბოძაშვილი - ახლა არაორდინარული, არასტანდარტული გადაწყვეტილებების დროა
ქართული პრესის მიმოხილვა 26.03.2020
სოსო არჩვაძე - ეროვნული ვალუტის კურსის რყევამ  შეიძლება სერიოზულად დააზიანოს ის შედეგები, რაც მიღწეულია მთავრობის მიერ
„მაკდონალდსი“ ლუგარის ლაბორატორიის პერსონალის კვებაზე ზრუნავს
„ვენდი“ და „დანკინი“ მიწოდების უკონტაქტო სერვისზე გადადის
კომპანია "ლისი დეველოპმენტმა" მთავრობის მიერ შექმნილ StopCov ფონდში 50 000 ლარი გადარიცხა
„ვისოლ ჯგუფი“ თბილისის მერიასთან ერთად მარტოხელა მოხუცებს ყოველდღიური მოხმარების საგნებითა და საკვები პროდუქტებით მოამარაგებს
„სოკარმა“ STOPCOV ფონდის მხარდასაჭერად საქართველოს ბიზნეს ასოციაციაში 200 000 ლარი ჩარიცხა
ბაზისბანკის ვიდეობანკი ციფრული სერვისების გასააქტიურებლად
შპს "ფერიმ" და სს "დარიალი ენერჯიმ" კორონავირუსთან ბრძოლის ფონდს ნახევარი მილიონი ლარი გადაურიცხა
ლიბერთის პროგრამა აპრილის პენსიების წინასწარ ჩარიცხვის მიმართულებით ყველა ასაკის პენსიონერზე გავრცელდება