დედოფლისწყაროს მუნიციპალიტეტის მერმა და „NPARD-საქართველოს“ წარმომადგენლებმა ერთობლივი ინფრასტრუქტურული პროექტები დაათვალიერეს. ამის შესახებ „ინტერპრენიუსს“ დედოფლისწყაროს მუნიციპალიტეტიდან აცნობეს.

მათივე ინფორმაციით, ქალაქ დედოფლისწყაროს N2 საჯარო სკოლას ახალი მინისტადიონი აქვს.

„დედოფლისწყაროს მუნიციპლიტეტის მერიისა და „NPARD-საქართველოს“ ერთობლივი პროექტი ნიკოლოზ ჯანიაშვილმა „ევროკავშირი საქართველოსთვის“ წარმომადგენლებთან ერთად მოინახულა.

დღესვე ნიკოლოზ ჯანიაშვილი და „NPARD-საქართველოს“ წარმომადგენლები დედოფლისწყაროს ცენტრალურ სტადიონს ეწვივნენ და მიმდინარე ინფრასტრუქტურული სამუშაოები დაათვალიერეს. სტადიონის რეაბილიტაცია წლის ბოლომდე დასრულდება“, - აღნიშნულია დედოფლისწყაროს მუნიციპალიტეტის მიერ გავრცელებულ ინფორმაციაში.