პარლამენტთან მიმდინარე საპროტესტო აქციაზე საპატრულო პოლიციის უფროსი ვაჟა სირაძე მივიდა. როგორც აქციის ერთ- ერთმა ორგანიზატორმა, ზურა ბერძენიშვილმა განაცხადა, სირაძე აქციის მონაწილეებთან „ვითომ მოსალაპარაკებლად მივიდა, თუმცა საბოლოო ჯამში მან ისინი პარლამენტის შესასვლელიდან გამოყარა“.
„ვაჟა სირაძე მოვიდა და გვითხრა, რომ შესასვლელს ვბლოკავდით და უკან გამოგვყარეს“, - განაცხადა ბერძენიშვილმა.
აქცია „სირცხვილიას" წევრები პრემიერის პოსტზე გიორგი გახარიას წარდგენას აპროტესტებენ, რის გამოც მათ პარლამენტის ყველა შესასვლელთან „სირცხვილის კორიდორი“ მოაწყვეს და სკანდირებენ: „სირცხვილია", „ მონებო".
ადგილზე მობილიზებულია პოლიცია.