სამთავრობო პროგრამა გამოხატავს ძალიან ძლიერ პოზიციებს, სამომავლო განვითარების ხედვას იმ საკითხებზე, რაც ჩვენთვის სტრატეგიულია, - ასე აფასებს საქართველოს პარლამენტის თავმჯდომარე არჩილ თალაკვაძე სამთავრობო პროგრამას, რომელიც პრემიერ-მინისტრობის კანდიდატმა გიორგი გახარიამ წარადგინა.
მისი თქმით, მომავალი დღეების განმავლობაში საზოგადოება ყველა იმ კითხვაზე მიიღებს პასუხს, რაც სამთავრობო გეგმებს შეეხება.
„კერძოდ, ეს არის საქართველოს ევროპული და ევროატლანტიკური ინტეგრაცია, დეოკუპაცია, სოციალური კეთილდღეობა, ეკონომიკური განვითარება, მართლმსაჯულების და ძალოვანი სექტორის რეფორმები. ასევე, სხვა მიმართულებები არის მკაფიოდ გაწერილი“, - აცხადებს თალაკვაძე.