6 სექტემბერს, დადიანების სასახლეთა ისტორიულ-არქიტექტურული მუზეუმის ეზოში, ღონისძიება „ძველი და ახალი დროის სინთეზი“ გაიმართება. ამის შესახებ „ინტერპრესნიუსს“ ზუგდიდის მუნიციპალიტეტის მერიიდან აცნობეს. ღონისძიება 20:00 საათზე დაიწყება.
ღონისძიებაში მონაწილეობას მიიღებენ ანსამბლი „ოდოია“ და ზუგდიდის საცხენოსნო კლუბი „ხარება“. ასევე, ცხენოსნები მოაწყობენ თავისუფალ ფოტოსესიასა და ცხენით გასეირნებას.
გარდა ამისა, გაიმართება „ფლეშმობი“ - ქართული ხალხური ცეკვის ელემენტებით. ასევე სახეზე მოხატვა - განწყობა შენი არჩევანია.
„ღონისძიება ზუგდიდის მუნიციპალიტეტის მერიის, „ზუგდიდი - შენი განწყობის ქალაქის“ ფარგლებში ყოველ პარასკევს, 20:00 საათზე, დადიანების სასახლეთა ისტორიულ-არქიტექტურული მუზეუმის ეზოში იმართება”,- აღნიშნულია ინფორმაციაში.