დავით ჭიჭინაძე - კალაძე, გომელაური, გახარია და ღარიბაშვილი ერთმანეთთან დაპირისპირებული ფიგურები არიან

დამოუკიდებელი დავით ჭიჭინაძე მიიჩნევს, რომ ჯერჯერობით ბიძინა ივანიშვილის გარემოცვის "ოცნებები" ახდა.

„ვფიქრობ, ხელისუფლება შიდა ინტრიგებს გადაყვება. ფაქტია, კალაძე, გომელაური, გახარია და ღარიბაშვილი ერთმანეთთან დაპირისპირებული ფიგურები არიან, მეტ-ნაკლებად თავ-თავისი დაჯგუფებებით. ანუ, პრემიერ-მინისტრად, „უმაღლესი ინსტაციის მოსამართლედ“ ისევ ბიძინა ივანიშვილი დარჩა. ასე რომ, ახალ მთავრობაში ვის რა სახელი დაერქმევა, ეს ნამდვილად მეათეხარისხოვანია.

მითუმეტეს, რომ როდესაც გიორგი გახარია პირველი ვიცე-პრემიერი იყო, მას მაშინ უფრო მეტი ძალაუფლება ჰქონდა, ვიდრე მაშინდელ პრემიერ ბახტაძეს. მაგრამ ბოლო დროს განვითარებული მოვლენების, მისი განცხადებების შემდეგ, უკვე ცხადია, რომ ის დამოუკიდებელ პოლიტიკურ ფიგურად, დამოუკიდებელ მოთამაშედ ვეღარასოდეს ჩამოყალიბდება . თუმცა ის იდეალური შემსრულებელი იქნება ივანიშვილისთვის“, - განაცხადა ჭიჭინაძემ.

მისივე თქმით, ცქიტიშვილი, გომელაური, ღარიბაშვილი პირდაპირ დამოკიდებული არიან ივანიშვილზე.

„კალაძეს თავისი ჯგუფი ყავს, თურნავას ჩხარტიშვილი მფარველობს და მაშინ ვისი უფროსი გამოდის გახარია, დავითაშვილის? მოკლედ, „ქართული ოცნება“ ხალხს დაუპირისპირდება კი არა, შიდა ინტრიგებს უფრო გადაყვება.

რაც შეეხება ბიძინა ივანიშვილს, მართალია ის არაა ღია პოლიტიკური მოთამაშე, მაგრამ საბოლოოდ მაინც მოუწევს გარეთ გამოსვლა და იმ რეალობასთან პირისპირ დადგომა, რაც ქვეყანაში ხდება. რადგან, ჯერ ერთი, რასაც 2012 წელს ხალხს დაპირდა, იქიდან შესრულებული პრაქტიკულად არაფერია - მხოლოდ „ოცნებების“ ოცნებებია ასრულებული და მეორე, ვერც გახარია „გაუქაჩავს“, - განაცხადა ჭიჭინაძემ.

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 21.10.2020
რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
კახა ძაგანია - "პატრიოტთა ალიანსმა" ხელისუფლებისგან ხმის მიცემის საათების გაზრდა მოითხოვა"
მერაბ ჭიქაშვილი - "ხელისუფლება კორონას ფსიქოლოგიურ იარაღად იყენებს!"
ნანა დევდარიანი - "31 ოქტომბერს ხალხი "ნაციონალურ მოძრაობასაც" და "ქართულ ოცნებასაც" ყველაფრისთვის  დასჯის!"
ევექსი კლინიკები მომხმარებლების უსაფრთხოებისთვის COVID 19-ის PCR ტესტირების პროცესს ცვლის
ირმა ინაშვილი - "ქართული ოცნება" კოვიდ ეპიდემიის თემას ოსტატურად იყენებს და თავის ნაცვლად ექიმებს ალაპარაკებს!" (R)
სოსო შატბერაშვილი - "თუ გსურთ შერიგება ოსებთან და აფხაზებთან - მხარი "პატრიოტთა ალიანსს" დაუჭირეთ!" (R)
გურამ ნიკოლაიშვილი: ვეტერანთა უფლებებს მხოლოდ "პატრიოტთა ალიანსი"დაიცავს! (R)