თორნიკე რიჟვაძე -  ქედის მოსახლეობის საჭიროებებს ბიუჯეტში მაქსიმალურად ავსახავთ

აჭარის მთავრობის თავმჯდომარე თორნიკე რიჟვაძე საქართველოს ჯანდაცვის მინისტრის მოადგილე გიორგი წოწკოლაურთან ერთად აგარის, აქუცისა და დაბა ქედის მოსახლეობას შეხვდა.

აჭარაის მთავრობის ადმინისტრაციის პრესსამსახურის ინფორმაციით, ხელისუფლების წარმომადგენლებმა იმ დადებითი შედეგების შესახებ ისაუბრეს, რაც ქედის მუნიციპალიტეტში ინფრასტრუქტურის მიმართულებით არსებობს. მიმდინარე პროექტების გაცნობის პარალელურად, მოისმინეს მოსახლეობის საჭიროებებზე, არსებულ გამოწვევებსა და მათი გადაჭრის გზებზე.

„მოსახლეობის მხრიდან წამოსული ყველა საკითხი, ყველა მოსაზრება იქნება გათვალისწინებული შემდეგი წლის ბიუჯეტში. ასევე, მინდა დავამატო, რომ ინფრასტრუქტურის მიმართულებით ქედაში გვაქვს ძალიან კარგი შედეგები. მოსახლეობასთან შეხვედრები გაგრძელდება და მიიღებს რეგულარულ ხასიათს.“ - განაცხადა თორნიკე რიჟვაძემ.

აჭარის მთავრობის თავმჯდომარე სოფელ პირველ მაისში 20 ბინიანი სოციალური სახლის მშენებლობის პროცესს გაეცნო. სახელმწიფო ბინებით იმ ოჯახებს უზრუნველყოფს, რომლებიც წლების განმავლობაში ვერ ახერხებდნენ საცხოვრისის ქონას.

აჭარის მთავრობის ადმინისტრაციის პრესსამსახურის ინფორმაციით, ინფრასტრუქტურის განსავითარებლად ქედის მუნიციპალიტეტში წელს 4 998 000 ლარია გათვალისწინებული, რაც 46 პროექტის განხორციელებას მოხმარდება.

.

ვახტანგ ძაბირაძე - დღეს საზოგადოებაში არ ჭარბობს განწყობა - ოღონდ ეს ხელისუფლება წავიდეს და ვინც გინდა მოვიდეს
“პარტია ალეკო ელისაშვილი - მოქალაქეების” ერთ-ერთი ლიდერი ლევან იოსელიანი - ჩვენ უნდა დავიწყოთ ახალი სასამართლო სისტემის  მშენებლობა
ქართული პრესის მიმოხილვა 27.10.2020
ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ირმა ინაშვილი - 8 წელია სადისტები გვასხედან თავზე (R)
Admixer - ახალი შესაძლებლობები ციფრულ მარკეტინგში
ეფექტური ლოგისტიკა, როგორც სამშენებლო ინდუსტრიის განვითარების მექანიზმი (R)
დღეიდან სილქნეტი Ispace-ის სარეალიზაციო ცენტრებში აქციას იწყებს
კავკასიის უნივერსიტეტი სპეციალურ განცხადებას ავრცელებს