ძალიან სასაცილო კომენტარი კეთდება „დოიჩე ველესთან" დაკავშირებით - გამოცემამ, ერთმნიშვნელოვნად სათაურში გამოიტანა, რომ საქართველოს პარლამენტმა პრემიერ-მინისტრად დანიშნა „რუსეთის კაცი“, - ამის შესახებ ფრაქცია „ნაციონალური მოძრაობის" თავმჯდომარემ, რომან გოცირიძემ განაცხადა, რითაც „დოიჩე ველეს" სტატიას გამოეხმაურა.
გოცირიძის თქმით, გამოცემამ ადევაკვატურად შეაფასა გიორგი გახარიას წარმოავლობა.
„ძალიან სასაცილო კომენტარი კეთდება „დოიჩე ველესთან" დაკავშირებით. გამოცემამ, ერთმნიშვნელოვნად სათაურში გამოიტანა, რომ საქართველოს პარლამენტმა პრემიერ-მინისტრად დანიშნა რუსეთის კაცი. შემდეგ ამათ დაიწყეს ახნა-განმარტება, რომ რუსეთის კაციო არის ბრჭყალებშიო. ჟარგონია და ბრჭყალებში იქნებოდა აბა რა. რომ დაეწერათ საქართველოს პრემიერ-მინისტრად აირჩიეს „ქოციო", „ქოცი" ხომ ბრჭყალებში იქნებოდა?!
ჩართეს ელჩი და ჩასწორდა 24 საათის შემდგომ. სინამდვილეში კი მათი პოზიცია იყო ნათლად გამოთქმული, მათ შეაფასეს გახარიას წარმომავლობა, რომელსაც ადეკვატურად აღიქვამს ყველა საერთაშორისო მოთამაშე, მათ შორის უცხოური მედია", -განაცხადა რომან გოცირიძემ.