დიდი ბრიტანეთი უცხოელ სტუდენტებს სწავლის დამთავდებიდან ორი წლის მანძილზე ქვეყანაში დარჩენის უფლებას მისცემს

უცხოელ სტუდენტებს, რომლებიც დიდ ბრიტანეთში სწავლობენ, სწავლის დამთავდებიდან ორი წლის მანძილზე ქვეყანაში დარჩენის უფლება ექნებათ, - ამის შესახებ ინფორმაციას „ბიბისი“ ავრცელებს.

მათივე ინფორმაციით, დიდი ბრიტანეთის შინაგან საქმეთა სამინისტროს ახალი ინიციატივა, ბრიტანეთში სხვადასხვა ქვეყნიდან სასწავლებლად ჩასულ სტუდენტებს სწავლის დამთავრებიდან ორი წლის მანძილზე ქვეყანაში დარჩენის და სამსახურის შოვნის საშუალებას აძლევს.

დიდი ბრიტანეთის პრემიერ-მინისტრის, ბორის ჯონსონის შეფასებით, აღნიშნული ცვლილება სტუდენტებს თავიანთი „პოტენციალის რეალიზებისა“ და დიდ ბრიტანეთში კარიერის დაწყების საშუალებას მისცემს.

ბრიტანეთის მთავრობის აღნიშნული გადაწყვეტილებით იცვლება კანონი, რომელიც ქვეყანაში 2012 წელს, ტერეზა მეის შინაგან საქმეათა მინისტრობის პერიოდში მიიღეს და რომლის თანახმადაც, უცხოელ სტუდენტებს დიდ ბრიტანეთში დარჩენის უფლება სწავლის დამთავრებიდან მხოლოდ 4 თვის განმავლობაში აქვთ.

აღსანიშნავია, რომ სტატისტიკის თანახმად, შარშან დიდი ბრიტანეთში დაახლოებით 450 000 უცხოელი სტუდენტი სწავლობდა.

ზურაბ ბატიაშვილი - სირიაში შექმნილი სიტუაციიდან ყველაზე მოგებულ პოზიციაში რუსეთი აღმოჩნდა, რაც ცუდი სიგნალია პროდასავლური ქვეყნებისა და ძალებისთვის
ქართული პრესის მიმოხილვა 15.10.2019
ნანა ჩაჩუა - ისეთ ცნებებთან და გრძნობებთან, როგორიცაა  სამშობლო და ღმერთი, პოლიტიკოსები ჯამბაზობენ და ამ მგრძნობიარე ინსტრუმენტებით ჯამბაზებივით ცდილობენ მანიპულირებას
ლუდი „სტაროპრამენის“ სიურპრიზები სმეგ მაცივრის გათამაშებით გრძელდება