გიორგი მშვენიერაძე დეპუტატებს - გასაუბრებაზე მოსამართლეობის ერთ-ერთ კანდიდატს აბსოლუტურ უფლებებზე დაუსვეს კითხვა და ვერ უპასუხა - ეს ხომ უნდა იცოდეთ დეპუტატებმა?

იუსტიციის საბჭოს გასაუბრებაზე მოსამართლეობის ერთ-ერთ კანდიდატს აბსოლუტურ უფლებებზე დაუსვეს კითხვა და ვერ უპასუხა. ეს საკითხი ხომ უნდა იცოდეთ დეპუტატებმა? – ამ კითხვით კოალიციის „დამოუკიდებელი და გამჭვირვალე მართლმსაჯულებისთვის“ თავმჯდომარე გიორგი მშვენიერაძემ იურიდიულ საკითხთა კომიტეტის სხდომაზე დეპუტატებს მიმართა.

მისი თქმით, მასალები და დოკუმენტაცია, რომელიც უზენაესი სასამართლოს მოსამართლეობის კანდიდატების შესახებ იუსტიციის უმაღლესმა საბჭომ პარლამენტს წარუდგინა, საკმაოდ მოცულობითია. მშვენიერაძემ დეპუტატებს კითხვით მიმართა, როგორ აპირებენ ასეულობით გვერდის შესწავლასა და აუდიოფაილების მოსმენას.

„იუსტიციის საბჭოდან რა დოკუმენტაციაც მოვიდა, თითოეულ კანდიდატზე საშუალოდ სულ ცოტა 50 გვერდია. გაითვალისწინეთ ისიც, რომ გაქვთ გასაუბრების აუდიოფაილებიც. რას იზამთ, თქვენ დასხდებით და 24 დღის 9 საათიან აუდიოფაილებს ყველა კანდიდატზე თავიდან მოუსმენთ? როგორ მოემზადებით ამ პროცესისთვის? იუსტიციის უმაღლესი საბჭოს სხდომაზე რა კითხვები დაესვა თითოეულ კანდიდატს და რა უპასუხა მან - როგორ აპირებთ ამის შესწავლას დამხმარე სამუშაო ჯგუფის მიღმა? მაგალითად, ერთ-ერთ კანდიდატს აბსოლუტურ უფლებებზე დაუსვეს კითხვა და ვერ გაიხსენა. კანდიდატს რომ უზენაესი სასამართლოს მოსამართლეობა უნდა და აბსოლუტურ უფლებებს ვერ ასახელებს, ეს საკითხი ხომ უნდა იცოდეთ თქვენ, როგორც დეპუტატებმა? და საიდან გეცოდინებათ, თქვენ მოუსმენთ ამ აუდიოფაილებს პირადად? მეეჭვება. მაგალითად, კანდიდატს პლაგიატი აქვს ჩადენილი. ხომ უნდა აისახოს და ხომ უნდა იცოდეთ თქვენ, რომ ეს კანდიდატი რაღაცას იპარავდა. ეგეც ქურდობაა, ვიღაცას მოპარა და თავის სახელი მიაწერა. ეს ინფორმაციები გადაწყვეტილების მიღების დროს თქვენ გჭირდებათ. ეს, პირველ რიგში, სწორედ უმრავლესობის ინტერესში უნდა შედიოდეს და არა ოპოზიციის იმიტომ, რომ მერე არ აღმოჩნდეს, ისეთ კანდიდატს მიეცით ხმა, რომელსაც ასეთი დეტალი ამოუვარდება რაღაც ეტაპზე. ეს კიდევ უფრო დააზიანებს სასამართლოს ისედაც დაზიანებულ რეპუტაციას,“ - განაცხადა გიორგი მშვენიერაძემ.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს