მიხეილ ბატიაშვილი მსოფლიო ბანკის ახალ რეგიონულ ხელმძღვანელს შეხვდა

განათლების, მეცნიერების, კულტურისა და სპორტის მინისტრმა მიხეილ ბატიაშვილმა და მინისტრის მოადგილემ ირინე აბულაძემ მსოფლიო ბანკის ახალ რეგიონულ ხელმძღვანელთან სებასტიან მოლინეუსთან შეხვედრა გამართეს. ამის შესახებ „ინტერპრესნიუსს“ განათლების, მეცნიერების, კულტურისა და სპორტის სამინისტროდან აცნობეს.

მათი ინფორმაციით, შეხვედრაზე განათლების ყველა საფეხურზე მიმდინარე კომპლექსური რეფორმის დეტალებზე ისაუბრეს. ასევე, განიხილეს სამინისტროსა და მსოფლიო ბანკს შორის სამომავლო გეგმები და განსაზღვრეს ის სფეროები, რომლებშიც მსოფლიო ბანკი განათლების, მეცნიერების, კულტურისა და სპორტის სამინისტროსთან აქტიურად ითანამშრომლებს.

„მსოფლიო ბანკთან ხელმოწერილი შეთანხმების საფუძველზე, ახლო მომავალში დაიწყება მსხვილი პროექტის „ინოვაცია, ინკლუზია და ხარისხი - Georgia I2Q“ განხორციელება. პროექტი მოიცავს რამდენიმე კომპონენტს, როგორებიცაა:

სკოლამდელ განათლებაზე ხელმისაწვდომობის გაზრდა და ხარისხის გაუმჯობესება, ასევე, სკოლამდელი განათლების პედაგოგების სახელფასო პოლიტიკის მოწესრიგება; საერთაშორისო სტანდარტის ზოგადი განათლების სწავლა-სწავლების ხარისხის დანერგვა და მასშტაბური ინფრასტრუქტურული პროექტების განხორციელება; განათლების დაფინანსების მოდელების განვითარება, მათ შორის, უმაღლესი განათლების ევროპულ სისტემაში სრული ინტეგრაციისათვის დაფინანსების ახალი მოდელის დანერგვა და განათლების საინფორმაციო მართვის ეფექტური სისტემის დანერგვა“, - ნათქვამია ინფორმაციაში.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს